Azərbaycan Respublikasının Prezidenti yanında Gənclər Fondunun (AzGF) maliyyə, Azərbaycan Tələbə Gənclər Təşkilatları İttifaqının (ATGTİ) təşkilati dəstəyi ilə “Qədim sənət – Kəlağayı” layihəsi həyata keçirilib.
ATGTİ-dən bildiriblər ki, layihə AzGF-in elan etdiyi 8-ci qrant müsabiqəsində qalib olub. Layihənin reallaşdırılmasında məqsəd dekorativ-tətbiqi sənət növü olan batikanı gənclərə aşılamaq və onu təbliğ etməkdir.
Əvvəlcə layihəyə cəlb olunmuş təlimçi Cahid Cavadov 4 gün ərzində iştirakçıları məlumatlandıraraq onlara batika sənət nümunələrinin hazırlanması qaydalarını öyrədib.
Sonra hazırlanmış sənət nümunələrinin digər gənclərə təqdim edilməsi üçün sərgi təşkil olunub.
Sonda layihə iştirakçılarına sertifikatlar verilib.
azertag.az