Dünya şöhrətli kanadalı müğənni Garu Bakıda konsert proqramı ilə çıxış edəcək.
Bakı Caz Festivalının “facebook” səhifəsinə istinadla xəbər verilir ki, oktyabrın 25-nə planlaşdırılın konsert Heydər Əliyev Sarayında baş tutacaq.
Bakı Beynəlxalq Caz Musiqi Festivalı çərçivəsində reallaşacaq konsertdə ifaçı öz repertuarından populyar caz musiqi nömrələri səsləndirməklə yanaşı, dünya caz musiqisinə də müraciət edəcək.
Qeyd edək ki, oktyabrın 22-dən 30-dək Bakıda keçirilməsi nəzərdə tutulan Bakı Beynəlxalq Caz Festivalına dünyanın bir sıra tanınmış caz ifaçıları qatılacaq.
azertag.az