Oktyabrın 5-də Bakı Slavyan Universitetində (BSU) Beynəlxalq Müəllimlər Gününə həsr olunmuş tədbir keçirilib.
BSU-dan bildiriblər ki, bu ali məktəbin rektoru, professor Nurlana Əliyeva universitetin müəllimlərini əlamətdar gün münasibətilə təbrik edib. Rektor rəhbərlik etdiyi ali məktəbin təhsildə qazandığı uğurlara görə müəllimlərə minnətdar olduğunu vurğulayıb.
Tədbirin bədii hissəsində tələbələr mahnı və rəqslərdən nümunələr ifa edib, məktəbə, müəllimə həsr olunan şeirlər söyləyiblər.
azertag.az