Hazırda “Azərbaycan gəncliyi 2011-2015-ci illərdə” Dövlət Proqramın
müxtəlif bəndləri üzrə işlər gedir, bu barədə Prezidenti
Administrasiyasının şöbə müdiri Elnur Aslanov jurnalistlərə
açıqlamasında bildirib.
O deyib ki, “Azərbaycan Gənclər Fondunun yaradılması ilə bağlı təklif
hazırlanıb və yaxın günlərdə ölkə prezidentində təqdim ediləcək.
Beynəlxalq Gənclər Mərkəzinin yaradılması ilə bağlı artıq ölkə
prezidenti tapşırıq verib. Digər bəndlər də artıq reallaşdırılmağa
başlanılıb. Hazırda bu bəndlərin tam icrasına başlamaq üçün bəzi texniki
hazırlıqlar tələb olunur”.
E. Aslanov deyib ki, Gənclər Proqramında olan bəndlərdən biri müxtəlif
şəhərlərin gənclər şəhərləri və gənclər bölgələri elan edilməsidir:
“Yaxın zamanda Azərbaycanın bölgələrindən biri gənclər şəhəri elan
ediləcək. Həmin bölgənin adını açıqlamaq istəmirəm. Amma artıq bununla
bağlı işlər gedir. Noyabr ayında Azərbaycanda ilk dəfə olaraq Leyla
Əliyevanın təşəbbüsü ilə ekoloji gənclər düşərgəsi təşkil olunacaq”.