Azərbaycan Respublikasının Mədəniyyət və Turizm Naziri cənab Ə.Qarayev Şahdağ Yay Qış Turizm Kompleksinin tikinti işlərinin gedişatına baxış keçirmək məqsədilə cari ilin 18 iyul tarixində Qusar rayonuna səfər etmişdir.
19 iyul tarixində
layihənin tikinti işlərini aparan yerli və xarici şirkətlərin rəhbərləri ilə
geniş müşavirə keçirilmişdir. Həmin gün cənab Ə.Qarayev Nabran zonasında fəaliyyət göstərən turizm
obyektlərinin vəziyyəti ilə tanış olmuş və burada istirahət edən insanlarla
söhbət aparmışdır. Həmçinin, Xaçmaz və Şabran rayonlarının mədəniyyət
obyektlərinə baxış keçirilmişdir.
Səfərin nəticələrinə uyğun olaraq nazir Xaçmaz və Şabran rayonlarında
mədəniyyət və turizm sahələri üzrə müvafiq göstərişlər vermişdir.