Oktyabrın 18-də Azərbaycanda dövlət müstəqilliyinin bərpasının 25-ci ildönümü münasibətilə “Azərbaycan Hava Yolları” QSC-nin Milli Aviasiya Akademiyasının nəzdində fəaliyyət göstərən Mülki Aviasiya Muzeyində tədbir keçirilib.
Mülki Aviasiya Muzeyindən bildirilib ki, tədbirdə Milli Aviasiya Akademiyasının müəllim və tələbə heyəti iştirak edib. Mülki Aviasiya Muzeyinin əməkdaşı Gülər Rzayeva “Azərbaycan mülki aviasiyası müstəqillik illərində” adlı mühazirə oxuyub. Sonda Azərbaycan mülki aviasiyasının 25 il ərzində keçdiyi inkişaf yolunu əks etdirən videoçarx nümayiş olunub.
azertag.az