Oktyabrın 25-də Beynəlxalq Muğam Mərkəzində yerli gənc caz ifaçılarının yekun konserti olub.
Konsert Mədəniyyət və Turizm Nazirliyinin və Azərbaycan Mədəniyyət Fondunun birgə təşkilatçılığı ilə ənənəvi olaraq Bakıda keçirilən Beynəlxalq Caz Festivalı çərçivəsində təşkil edilib.
Konsertdə gənc ifaçılar bütün vokal imkanlarını nümayiş etdiriblər. İfaçıların repertuarında caz musiqisinin pop və klassik musiqi nömrələri səslənib. İfaçılar konsertdə öz repertuarlarından sevilən musiqilər və yerli caz kompozisiyaları ilə yanaşı, dünyaca məşhur caz ustalarının əsərlərini də səsləndiriblər.
Müxtəlif janrların sintezindən ibarət universal musiqi üslubunun nümayiş olunduğu konsert proqramı maraqla qarşılanıb. Sonda gənc caz ifaçıları diplom və hədiyyələr ilə təltif olunublar.
azertag.az