Noyabrın 3-də Neftçala şəhərindəki Heydər Əliyev Mərkəzində Mədəniyyət və Turizm Nazirliyinin sifarişi ilə ekranlaşdırılan “Samidə məktub” sənədli filmi nümayiş olunacaq.
“Yaddaş” Sənədli Filmlər Studiyasında hazırlanan ekran əsərinin ssenari müəllifi və rejissoru Kamran Qasımov, operatoru Ömər Kutiyev, səs rejissoru Teymur Abdullayev, prodüseri Cavid İmamverdiyev və montajçısı Ələkbər Hümbətovdur. Xronometrajı 16 dəqiqə olan film aprel döyüşlərində şəhid olmuş, Milli Qəhrəman Samid İmanova həsr olunub.
Filmin çəkilişləri Bakı və Milli Qəhrəmanın doğulub boya-başa çatdığı Neftçala şəhərində aparılıb. Film “Yaddaş” Sənədli Filmlər Studiyasının Milli Qəhrəmanlar silsiləsində lentə alınıb.
azertag.az