"Azəravtoyol" Açıq Səhmdar Cəmiyyəti Bakıda 9 ay ərzində ümumi uzunluğu 63,2 kilometr olan 30-dan çox avtomobil yolu, prospekt və küçəni yenidən qurub və təmir edib.
Bu barədə ASC-nin 9 ayın yekunlarına dair hesabatında deyilir.
Bildirilir ki, hesabat dövründə Binəqədi rayonu ərazisindəki Azadlıq prospekti yenidən qurulub, Cəfər Xəndan və Musabəyov, Cəmşid Naxçıvanski küçələri , Nizami rayonunda Rüstəm Rüstəmov, Bəkir Çobanzadə, Nəsimi, Naxçıvani küçələri, Yasamal rayonunda Əhməd Cəmil, Xiyabani, Xətai rayonunda İlqar Zülfüqarov, Sadıqcan, Nərimanov rayonunda Arif Heydərov, Vladimir Mayakovski, Ə.Orucəliyev, Nəsimi rayonunda Hüseynbala Əliyev, Xəzər rayonunun Zirə qəsəbəsində Ağamalıoğlu, E.Babayev, Sərdarov, Mərdəkanda Sergey Yesenin, Sabunçu rayonunda Savalan qəsəbəsində Mərkəzi küçə, Pirşağı bağları avtomobil yolu, Suraxanı rayonunun Əmircan qəsəbəsində Səttar Bəhlulzadə, Hövsan qəsəbəsində Bağça, Qaradağ rayonunun Sahil qəsəbəsində Zahid Qasımov, Emin Quliyev, Rövşən Rzayev, Lökbatan qəsəbəsində İntiqam Nəbiyev və 28 May, Səbail rayonunun Badamdar qəsəbəsində Ə.Nəzərov və s. küçələr təmir olunub.
Bundan əlavə, Bakı şəhərinin bütün inzibati rayonları ərazisində 247,2 min kv.m sahədə cari təmir işləri görülüb.
day.az