Azər Türk Bank 18 avqustdan start verdiyi “Çək, Qazan!” kampaniyasına yekun vurub.
Bankdan verilən məlumata görə, kampaniyanın adının bu şəkildə seçilməsi təsadüfi deyil. Belə ki, insanların sosial şəbəkələrə olan maraqları və şəkil çəkdirmə həvəslərini bank hədiyyələri ilə dəstəkləyib. 10 həftə ərzində davam edən kampaniyanın hər həftə təyin olunan qaliblərinə qazandıqları dəyərli hədiyyələr təqdim edilib. İştirakçılar qalib olmaq üçün Gənclik Mall və Port Baku Mall-da quraşdırılmış banka məxsus kart maketləri önündə şəkil çəkdirərək göndərməli, həmçinin, öz Facebook/İnstagram profillərində paylaşmalı idilər. Daha çox səs toplayan iştirakçı qalib elan olunurdu.
“Çək, Qazan!” kampaniyası ötən həftənin cümə günü baş tutmuş səsvermədə iştirakçılar arasından son qalibin təyin olunması ilə başa çatıb.
Bu, bank tərəfindən həyata keçirilən sonuncu kampaniya deyil. Tezliklə, bu kampaniya yeni formatda təqdim ediləcək. Kampaniya barədə ətraflı məlumatı www.cekqazan.azerturkbank.az saytından əldə edə bilərsiniz.
Azər Türk Bankın həyata keçirdiyi kampaniyalar, həmçinin məhsul və xidmətlər haqqında bankın rəsmi veb-səhifəsi (www.azerturkbank.az) və ya sosial şəbəkələrdəki rəsmi korporativ səhifələrindən xəbərdar ola bilərsiniz.
trend.az