Qoç - Bu günün emosional fonu stabilliyi ilə seçilir. Buna görə də qoçlar ətrafdakı hadisələrə sakit və fəlsəfi münasibətləri ilə təəccübləndirirlər. Bu bürcün nümayəndələrini özündən çıxarmaq asan deyil. Onlar səbatlı və sülhpərvərdirlər. Bu gün qoçlar həmsöhbətləri ilə asan dil tapırlar.

Qoçların intellektual potensialları da yüksəkdir. Ulduzlar onlara təhsildə və elmi işdə uğurlar vəd edir. Bu sizə ürəkdən sevinməyə mane olmur. Günün ikinci yarısı dostlarla görüş üçün münasibdir.

Buğa - Uğura inamınızı itirməyin. Hətta hər şey dərhal alınmırsa, bu o demək deyil ki, uğursuzluğa düçar olacaqsınız. Neqativ tendensiyalardan baş çıxarmaq üçün bir qədər inadkarlıq və zirəklik tələb olunur. Hətta hansısa köhnə əlaqələrdən istifadə etmək və ya kömək üçün nüfuzlu insanlara müraciət etmək olar. Çox ehtimal ki, onlar sizə rədd cavabı verməyəcəklər.

Daşınmaz əmlak almaq və ya satmaq tövsiyə olunmur. Lakin başqa tipli böyük həcmli alış-verişlər etmək olar. Yaxınlarınızla gələcək barədə planlarnızı müzakirə edə bilərsiniz.

Əkizlər - Müttəfiqə ehtiyac duyursunuzsa, bu gün onları axtarmaq üçün ən münasib gündür. Bu gün ətrafınızdakıları haqlı olduğunuza inandırmaq çətin olmayacaq. Şəxsi məlahətiniz bu işlərdə sizə kömək edir. İnsanların xoşuna gəlirsiniz, ona görə də sizinlə hara istəsəniz, gedə bilərlər.

Məişət problemlərinin həlli üçün kifayət qədər çox vaxt sərf olunacaq, lakin əməyinizin bəhrəsi olacaq. Axşam qonaqların qəbulu üçün uyğundur. Pul qazanmaq və qiymətli hədiyyələr almaq istisna olunmur.

Xərçəng - Çətinlikləri və sədləri görmək istəmirsiniz. Yalnız qarşıya qoyulmuş məqsədlər barədə düşünürsünüz. Bu səbəbdən də nikbinliyinzi və özünüzə inamı itirmirsiniz. Müttəfiqləriniz təslim olmağa hazır olanda belə siz yolunuzdan dönmürsünüz. Və nəticədə istədiyinizə nail olursunuz.

Vacib informasiyanın qəbulu və yayılması üçün də münasib gündür. Reklam xarakterli tədbirlərdə iştirak etmək olar. Həyatınızda yaranmış çətinliklərlə bağlı vəziyyətin düzgün qiymətləndirilməsi suallara cavab tapmağa kömək edir.

Şir - Hadisələr siz istədiyinizdən bir qədər asta cərəyan edir, lakin proseslər sizin arzuladığnız istiqamətə gedir. Rəhbər şirlərə tövsiyə olunur ki, tabeliklərindəki insanlarla münsibətdə diqqətli olsunlar. Qarşılıqlı hörmət uğur üçün olduqca vacibdir. Bürcün sıravi nümayəndələrinə isə tövsiyə olunur ki, rəhbərliklə münasibətləri yaxşı etsinlər.

Böyük işlərin altına girmirsinizsə, kiçik işlərdə də ehtiyatlı olmalısınız. Bu gün ilk baxışdan əhəmiyyətsiz kimi görünən faktorlar olduqca vacib rol oynaya bilərlər. Şəxsi həyatda yaxşılığa doğru dəyişikliklər ola bilər.

Qız - Gün qız bürcünün əmlakla bağlı məsələlərlə məşğul olan nümayəndələrinə uğurlar vəd edir. Qızların qarşısıda cəlbedici təkliflər açılır. Gün xarici tərəfdaşlarla danışıqlar üçün də münasibdir. Uzaqdan qonaqlarınız gələ bilər. Özünüzü qonaqpərvər ev sahibi kimi göstərin.

Maliyyə cəhətdən gün əlverişli olacaq. Faydalı əşyaların – məişət texnikası, mebel və ya interyer predmetlərinin alışı mümkündür. Yaxınlarınızla mübahisələr gözlənilmir. Fikir ayrılığından qorxmayaraq uzunmüddətli planları müzakirə edə bilərsiniz.

Tərəzi - Əgər kiməsə üstün gəlmək istəyirsinizsə, bilin ki, bu gün şansınız daha çoxdur. Siz o qədər qəti və inandırıcı tərzdə danışırsınız ki, rəqibləriniz sizin haqlı olduğunuzu qəbul etmək məcburiyyətində qalırlar. Fırıldaqlardan şübhələnmədən razılaşmalar əldə edə bilərsiniz. Bu gün kimsə sizi aldatmağa çalışmayacaq.

İşgüar və dost münasibətləri bu gün romantik məcraya keçir. Təsadüfi tanışlıqların cəlbedici davamı ola bilər. Gözlənilməz hədiyyələr və sürprizlər ola bilər. Həyat potensialı aşağıdır. Özünüzü qoruyun.

Əqrəb - İstənilən münasibətlərin möhkəmləndirilməsi üçün münasib gündür. Sizin nüfuzunuz yüksəkdir, lakin kimlərsə sizin biliyinizi və təcrübənizi şübhə altına salmaq istəyəcək. Rəhbərlik və həmkarlarınızla fikir ayrılıqları ola bilər, siz bunları ürəyinzə yaxın qəbul etmirsiniz. Bu gün çəkinmədən öz fikirlərinizi deyə bilərsiniz.

Həyatın istənilən sahəsində təşəbbüslər göstərmək üçün münasib gündür. Şübhə etməyin ki, sizin ideyalarınız dəstək qazanacaq. Sənədləri rəsmiləşdirmək və dövlət idarələrinə baş çəkmək olar.

Oxatan - Bu gün siz özünüzü ən yaxşı tərəfdən göstərəcəksiniz. Bütün çətinliklərə baxmayaraq, siz nikbinliyinizi qoruyursunuz və problemlər aradan qalxır. Şən olmağınız və özünüzə güvənməyiniz yeni müttəfiqlər tapmağa kömək edir. Hamı bilir ki, siz istənilən situasiyadan qalib kimi çıxmağa qadirsiniz.

Gün intellektual iş üçün də münasibdir. Qohumlarınızla asanlıqla ümumi dil tapa bilirsiniz. İstənilən ailə tədbiri yaxşı keçir.

Oğlaq - Gün çox əlverişli keçir, lakin bu o qədər də önəmli deyil. Əsas odur ki, siz bu gün məşğul olduğunuz hər bir işdən zövq alırsınız. İşlərə ruh yüksəkliyi ilə başladığınız üçün uğur qazana bilirsiniz. Bununla yanaşı, oğlaqlar ilhamın azlığından şikayətlənə də bilərlər.

Gün maliyyə məsələlərində ehtiyatlı olmağı tələb edir. Siz lazım olandan bir qədər artıq xərcləməyə meyllisiniz. Lakin narahatlıq üçün ciddi səbəblər yoxdur.

Dolça - İşgüzar tərəfdaşlarınız və həmkarlarınızla münasibətlərdə ehtiyatlı olun. Emosiyalarla deyil, sübutlarla hərəkət edin. Məntiqlə mühakimə etməyə çalışın. Rasional hərəkət etməyə çalışın. Qarışıq situasiyalarda soyuqqanlılıq sizin ən yaxşı köməkçiniz olacaq.

Kommersiya fəaliyyətində uğurlar ola bilər. Külli miqdarda vəsait qəbul edəcəyiniz və sərfəli razılşalmalar əldə edəcəyiniz gözlənilir. Bu gün səyahətə gedən dolçalar uğur qazanacaqlar.

Balıqlar - Siz çox enejilisiniz və yaranmış problemlərdən asanlıqla baş çıxarırsınız. Nə isə sizin işinizi çətinləşdirə bilər, lakin sizi çıxılmaz vəziyyətə salmayacaq. İctimai fəaliyyət və işgüzar münasibətlər üçün əlverişli gündür. Xarici tərəfdaşlarla danışıqlar ümidverici görünür. Köçmək və ya iş yerini dəyişmək barədə düşünmək olar.

Gün hüquqşünaslar, mühasiblər və vergi işçiləri ilə əlaqə yaradılması üçün müvafiqdir. Çətin hüquqi məsələləri həll etmək mümkün olacaq. Bir çox balıqları şəxsi həyatda dəyişikliklər gözləyir.

Milli.Az