Dekabrın 14-də Mədəniyyət və Turizm Nazirliyinin təşkilatçılığı ilə dünya şöhrətli müğənni, Xalq Artisti, Dövlət mükafatı laureatı Rəşid Behbudovun anadan olmasının 100 illiyinə həsr olunmuş yubiley gecəsi keçiriləcək.
Nazirlikdən bildirilib ki, Heydər Əliyev Sarayında reallaşacaq tədbir Azərbaycan Respublikası Prezidentinin Rəşid Behbudovun 100 illik yubileyinin keçirilməsi haqqında müvafiq Sərəncamına əsasən təşkil olunacaq.
Respublikanın tanınmış elm, mədəniyyət və incəsənət xadimlərinin iştirakı ilə gerçəkləşəcək gecədə sənətkarın həyat və yaradıcılığından, milli musiqi xəzinəmizin zənginləşməsindəki xidmətlərindən, ictimai-siyasi xadim kimi fəaliyyətindən danışılacaq.
Tədbir unudulmaz sənətkarın vaxtı ilə ifa etdiyi mahnılardan ibarət konsert proqramı ilə davam edəcək.
azertag.az