Dekabrın 9-da Bakı İdman Sarayında yeniyetmələr arasında cüdo üzrə Azərbaycan birinciliyinə start verilib.
Azərbaycan Cüdo Federasiyasının təşkilatçılığı ilə keçirilən yarışda 69 klubdan 500-dən çox idmançı mübarizə aparır. Çempionatın ən güclüləri yeniyetmələrdən ibarət milli komandanın heyətinə cəlb ediləcəklər.
Qeyd edək ki, yeniyetmələrdən ibarət Azərbaycan milli komandası 2017-ci ildə Çilidə keçiriləcək dünya çempionatı, Litvada Avropa birinciliyi və Macarıstanda təşkil ediləcək yeniyetmələrin Olimpiya festivalında iştirak edəcək.
azertag.az