Dekabrın 22-də “YARAT” Müasir İncəsənət Mərkəzində “Radıo Vıdeo” qrupunun konserti keçiriləcək.
Qrup 2011-ci ilin ortalarında Bakı şəhərində yaradılıb. Qrupun adı isə yaradıcılıq prosesi zamanı qoyulub. Əvvəl musiqiçilər özləri tərəfindən improvizasiya olunmuş məşhur trekləri ifa edirdilər, sonradan isə repertuarlarına bəstələdikləri kompozisiyaları da daxil etdilər. Qrup öz musiqisində cavabsız qalmış məhəbbət mövzusunu və həyatın qeyri-müəyyən elementlərinin incə müşahidələrini birləşdirir. Repertuarlarında rok, ambiens və hərdən rok kompozisiyalarına üstünlük verirlər. Qrupa Roman Şulqa (vokal, gitara), Mişel Hop (vokal), Zakir Qasımov (gitara), Dmitriy Tur (baraban) və Andrey Kudinov (bas gitara) daxildir.
azertag.az