Qoç - Təmkinli olmağa çalışın. Hansısa nəticə əldə etmək çətindir. Yaradıcılıq və fəlsəfi fikirlərə dalmaq üçün əla gündür, fiziki işlər isə alınmayacaq. Peşəkar fikir ayrılığı mümkündür. Elə də qorxulu deyil, amma nəticəsi də ürəkaçan deyil. Dostlarınızla görüşün. Amma sevgilinizlə görüş alınmayacaq, kədərlənə bilərsiniz. Yaşlı qohumlarınızla münasibətlərdə diqqətli olun.
Buğa - Düşünməyin ki, bütün dünya sizin əleyhinizə qalxıb. Tezliklə hər şey düzələcək. Maliyyə işlərində ehtiyatlı olun. Sizin üçün vacib olan layihələrin taleyini tanımadığınız insanlara həvalə etməyin. Nüfuzlu şəxslərdən kömək gözləməyin. Təəssüf ki, şəxsi həyatınızda da çətinliklər var. Xüsusilə gənc Buğalar üçün. Bunun bircə çıxış yolu var - olanları yaxşıca analiz etmək.
Əkizlər - Uğura arxayın olmayın, bu gün hər şeyi öz zəhmətiniz və inadınız bahasına əldə edəcəksiniz. Rəhbərliklə, rəsmilərlə münaqişəniz ola bilər. Siz çox sərbəstsiz, hərdən dözülməz dərəcədə. Çoxları isə bunu intizamsızlıq, yelbeyinlik, məsuliyyətsizlik kimi qəbul edir. Bu gün investisiya yatırmağa dəyməz, ziyana düşərsiniz. Yaxınlarınıza diqqət ayırın. Bir az romantik olun, gəzintiyə çıxın. Bir çox Əkizlər bu gün hisslərini etiraf etməkdə çox cəsarətli olacaqlar. Əla! Peşman olmayacaqsınız.
Xərçəng - Babat gündür, dözmək olar. Hərdən narahatlıq keçirəcəksiniz, amma bunların heç biri ciddi səbəbdən qaynaqlanmır. Planlaşdırdıqlarınızın öhdəsindən asanlıqla gələcəksiniz. Məlahətiniz ətrafdakıların gözünü qamaşdırır. Münasibətlərinizdə diqqətli olun, bugünkü seçiminiz çox yanlış ola bilər. Köhnə dostlarınızı unutmayın. Onlar çətin anda sizi dəstəkləyəcək və darıxmağa qoymayacaqlar.
Şir - Çox işləməlisiniz. Yalnız bu cür mənfi meyllərin təsirindən qurtara və istədiyinizi əldə edə bilərsiniz. Heç kim köməyinizə tələsmir, amma bu elə də qorxulu deyil, hər şeyin öhdəsindən özünüz asanlıqla gələcəksiniz. Günün ikinci yarısında pul, həm də gəlirli təkliflər almaq şansınız çoxdur. Şəxsi həyatınızdakı dəyişikliklər sizi çaşdırır, amma bunlar elə də ciddi deyil. Şəraiti öyrənəndən sonra onun elə də pis olmadığı qənaətinə gələcəksiniz.
Qız - Mümkün olmayan arzular barədə fikirləşməyə dəyməz. Aktual məsələlərin həllinə yönəlin, kənar fikirləri uzaqlaşdırın. Ciddiliyiniz, işgüzarlığınız uğura aparacaq. Şəxsi həyatınızda ciddi dəyişiklik gözlənilir. Burada çox şey sizdən asılı deyil, özünüzü hadisələrin axarına buraxın. Yaşlı qohumlarınızla ünsiyyət üçün vaxt ayırın, onlarla söhbət ancaq xeyrinizə olacaq. Ailəvi istirahət üçün əla gündür. Yaxınlarınız iştirakı ilə bir məclis də düzəldə bilərsiniz.
Tərəzi - Çox nahaq yerə təkcə özünüzə güvənirsiniz, sizə kömək etmək istəyən insanlar çoxdur. Təkliflərini rədd edərək onları incitməyin. Xoşagəlməz bir insanla qarşılaşa bilərsiniz, hansısa bəd bir qüvvə həyatınıza pis təsir etməyə çalışacaq, var qüvvənizlə, bütün sərtliyinizlə ona qarşı mübarizə aparın, əks halda çox şey itirə bilərsiniz. Yaxınlarınızla ciddi fikir ayrılığınız olacaq. Öz səhvlərinizi boynunuza almayınca sülhə nail ola bilməyəcəksiz.
Əqrəb - Darıxdırıcı və mənasız hesab edərək yarımçıq qoyduğunuz işlərə dönmək lazımdır. İşlərin sahmana salınması üçün şansları itirməyiniz təəssüf doğurur, ancaq bunları yoluna qoymaq hələ də mümkündür. Nüfuzlu adamların himayəsini qazanmaq istəyirsinizsə, bunun üçün bir az çalışın. Güclü hisslər bəslədiyiniz insan sizə güvənmir. Elə bilməyin ki, hər şey öz-özünə düzələcək, məhz siz tədbir görməlisiniz. Yaşlı qohumlarınızla münaqişə gözlənilir. Çox əsəbi və narahatsınız, özünüzü ələ alın.
Oxatan - İşlərinizin prioritetini - hansının vacib, hansının boşuna olduğunu təyin etmək zamanıdır. Başqalarının layihələrində iştirak edirsiniz, amma cani-dildən çalışdığınızı söyləmək olmaz. Məhz elə bunu da yaxın günlərdə birbaşa üzünüzə deyəcəklər. Ailədə ciddi münaqişə gözlənilir, bunun əsl səbəbləri isə sizdən gizli qalacaq. Onları çözməyincə barışıq əldə etmək mümkün olmayacaq. Uşaqlara qarşı bu gün çox diqqətli olun, onların sizin mərhəmətinizə ehtiyacı var.
Oğlaq - Öz problemlərini həll edə bilməyən adamların məsuliyyətini boynunuza götürməli olacaqsınız. Başqalarının qeydinə qalmaq sizə mənəvi rahatlıq verəcək. Bir çox işlərinizi kənara itələməli olacaqsız, bu isə itirəcəyiniz imkanların siyahısını genişləndirir. Boşuna pul xərcləməyin. Şəxsi problemlərinizin həllinə vaxt ayırın, heç nə öz-özünə düzəlmir. Yaşlı qohumlarınızın sevdiyiniz şəxslə münasibətlərinizə qarışmasına imkan verməyin.
Dolça - Cansıxıcı və çətin işlərin yığılıb qaldığı gündür. Əməyinizin bəhrəsi ürəkaçan deyil. Sizə kömək edən, dəstək olan insanlar da təəssüflənəcəklər. Onlarla müttəfiqliyinizi düzəltməyə çalışın. Ağıl və təmkin yaxınlarınızla savaşmamağa kömək edəcək, ancaq sizi başa düşəcəklərinə də güvənməyin. Günün ikinci yarısında yox yerdən mübahisələr düşə bilər. Buna yumorla yanaşın.
Balıqlar - Qeyri-adi yanaşma tələb edən bir işdəki gözlənilməz uğurunuz peşəkar mövqeyinizi bərkitməyə, yeni müttəfiqlər tapmağa kömək edəcək. Danışıqlar aparmaq üçün əla gündür, müsahiblərinizin rəğbətini qazanmaq sizin üçün çətin deyil. Yaxınlarınız çox şeydə sizə yardımçı olmağa hazırdırlar, yalnız sizə doğrudan da vacib olan məsələləri bu sıraya aid etmək mümkün deyil. Yeni münasibət qurmaq olar, amma üzərinizə heç bir məsuliyyət götürməyin, onları yerinə yetirmək asan olmayacaq.