Ölkə başçısının Azərbaycanda multikulturalizm ənənələrinin qorunub saxlanması, daha da inkişaf etdirilməsi və geniş təbliğ olunması məqsədilə 2016-cı ilin ölkəmizdə “Multikulturalizm ili” elan etməsi ilə əlaqədar olaraq, Mədəniyyət və Turizm Nazirliyinin sifarişi ilə Cəfər Cabbarlı adına İrəvan Dövlət Dram Teatrı A.P.Çexovun “Ayı”, Elçinin “O da aşiq olub yaza dünyada...” və B.İoseleviçin “Yelləncəkdə iki nəfər" pyesləri əsasında multikultural kontekstdə "O da aşiq ola.." adlı layihə hazırlayıb.
Nazirlikdən bildirilib ki, layihə çərçivəsində təqdim olunan tamaşanın premyerası dekabrın 19-da Rus Dram Teatrında keçiriləcək.
Tamaşanın quruluşçu rejissoru Nicat Mirzəzadədir. Layihənin bədii rəhbəri Əməkdar Mədəniyyət İşçisi İftixar Piriyevdir.
azertag.az