Qoç - Ünsiyyət üçün əla gündür, istənilən xarakterli görüş təyin edə bilərsiniz. İntuitiv olaraq özünüzü necə aparmağı, söhbət üçün hansı tonu seçməyi, insanı maraqlandırmaq üçün ona nə təqdim etməyi gözəl bilirsiniz. Bir çox Qoçlar insanları idarəetmə bacarıqlarını kəşf edəcək və əvvəllər bu xüsusiyyətlərinin fərqinə varmadıqlarına təəccüblənəcəklər.
Maliyyə baxımından çox uğurlu gündür. İşlərə düzgün tərəfdən yanaşmaqla gəlirlərinizi xeyli artıra bilərsiniz. Qısa səfərlər uğurlu, uzunmüddətlilər isə yorucu olacaq.

Buğa - Həyatınızda dəyişikliklər istəyirsiniz? Nə durmusunuz, hərəkət edin! Təşəbbüs göstərmək, yeni layihələrə başlamaq zamanıdır. Heç bir çətinlik çəkmədən tərəfdaş tapır, nüfuzlu insanların dəstəyini qazanırsınız. Çoxdankı iş ortaqlarınız yenidən peyda olacaqlar, özü də əliboş gəlməyəcəklər, onlardan maraqlı iş təklifləri gözləyin.
İdmanla, fiziki işlə məşğul olmaq üçün münasib gündür. Sağlamlaşdırıcı və kosmetik prosedurlar çox effektlidir. Həm özünüzə, həm də yaxın adamınıza geyim və zinət əşyası ala bilərsiniz, seçiminiz doğru olacaq.

Əkizlər - Günün birinci yarısı dünyada heç nə sizin öz gücünüzə inamınızı sarsıda bilməz. Çətin işləri görməyə, mürəkkəb məsələləri həll etməyə çalışın. Bir çox Əkizlərin yeni məqsədləri var. Bunlara çatmaq üçün sizə kömək edə biləcək insanlar da az deyil, üstəlik, yaxınınızdadırlar. Gün yeni ortaqla məhsuldar əməkdaşlıq vəd edir, ancaq güzəştə getməyə hazır olun: hər şey siz istəyən kimi olmur.
İctimai tədbirlərə, eyni zamanda ziyafətlərə qatıla bilərsiniz.

Xərçəng - Bu günün hadisələri bir çox Xərçəngləri sevindirəcək. Yeni işə başlaya, iş yerinizi dəyişə, uzunmüddətli əməkdaşlıq barədə danışıqlar apara bilərsiniz. Qarşınızda açılan perspektivlər çox gözəldir: bütün imkanlardan yararlanmaq üçün azacıq cəsarət gərəkdir. Maraqlı görüşlər mümkündür.
Yaradıcı potensialınız artır. Bu gün başqalarının sizdən gözlədiyi hərəkətləri etmir və yaxşı nəticələr qazanırsınız. Hər kəs sizə heyrandır. Özünüzlə qürrələnə bilərsiniz.

Şir - Sövdələşmələr, eyni zamanda əmlakla bağlı razılaşmalar üçün münasib gündür, xeyli gəlir əldə edə bilərsiniz. Qadınlarla, üstəlik, dil tapmadıqlarınızla, əməkdaşlıq çox məhsuldar olacaq. İşgüzar səfərlər əla keçəcək. Bəzi Şirlər uzunmüddətli xaricə ezamiyyət təklifi alacaqlar.
Yaxınlarınızla münasibətləriniz ahəngdardır. Ailə məsələləri ilə məşğul olmaq, vacib məişət işlərini həll etmək olar. Romantik görüşün təəssüratı isə könlünüzcə olmaya bilər: heç cür köklənə bilmirsiniz.

Qız - Gün gözlənilməzliklərlə doludur. Bu sizi çox sevindirəcək. Baş verən hadisələr həyata baxışınızı və planlarınızı dəyişməyə sizi vadar edəcək. Yeni başlayacağınız layihə qarşınızda yeni peşəkar perspektivlər açacaq.
Romantik münasibətlərin inkişafını öz üzərinizə götürün: indi təşəbbüs göstərmək, əvvəllər cəsarət etmədiklərinizi etmək lazımdır. Risk etməkdən qorxmayın.

Tərəzi - İşdə uğurlar, sizin üçün vacib olan məsələlərdə vacib irəliləyişlər gözləyin. Heç bir şeyi unutmadan, nəzərdən qaçırmadan eyni zamanda bir neçə məsələni həll etməyə qadirsiniz. Əcnəbilərlə ünsiyyət, həmçinin xaricə səfərlər üçün münasib gündür. Xarici şirkətə müsahibəyə gedə bilərsiniz: uğurunuz böyük ola bilər.
Siz çox zaman ətrafınızdakıların sizdən gözləmədiklərini edirsiniz (hətta bəzən özünüz də özünüzə mat qalırsınız). Qeyri-standart, yaradıcı münasibət tələb edən işlərdə uğur qazanacaqsınız. Şəxsi həyatınızda yaxşılığa doğru dəyişikliklər olacaq.

Əqrəb - Ətrafınızdakı vurnuxma və qarışıqlığa rəğmən sakitliyinizi qoruyub saxlayırsınız. Bu, diqqət və səliqə tələb olunan işlərdə müvəffəqiyyət qazanmağınıza imkan yaradır. Həmfikirlərinizlə aranızda fikir ayrılığı yarana bilər, ancaq haqlı olduğunuza dair sanballı dəlillər tapacaqsınız.
Başqalarının günahı üzündən pozulmuş istənilən cür münasibətləri bərpa etməyin tam zamanıdır. Müdrik və təcrübəli insanların məsləhətlərini dinləyin. O zaman başqalarının səhvlərini təkrarlamazsınız.

Oxatan - İşgüzar baxımdan xoş gündür, işdəki probemləri tez həll edirsiniz. Karyerada irəliləyiş mümkündür. Vəzifəcə sizdən üstün olan həmkarlarınızla dil tapa, nüfuzlu insanlar arasında ortaq qazana bilərsiniz. Uzaq gələcəkdə yaxşı gəlir gətirə biləcək sövdələr bağlaya bilərsiniz.
Fiziki işlə məşğul olmaq, elektrik avadanlıqları və mürəkkəb mexanizmlərlə iş görmək məsləhət deyil. Ev işi sizi çox yoracaq. Axşamı sağlamlaşdırıcı prosedurlara həsr edin, yaxud gözəllik salonuna baş çəkin.

Oğlaq - Ünsiyyət üçün münasib gündür, yeni tərəfdaş və dost tapa bilərsiniz. Sizin nailiyyətləriniz diqqətdən kənarda qalmır. Mükafat ala bilərsiniz. Maliyyə vəziyyətiniz sabitdir, pul xərcləmək olar. Maraqlı iş təklifləri almağınız mümkündür.
Günün ikinci yarısı gözlənilməzliklərlə doludur. Planlarınızı ani surətdə dəyişirsiniz. Bu, yaxınlarınızı narahat etsə də, aranızda mübahisə yaranmayacaq. Ev işlərinin öhdəsindən asanlıqla gəlirsiniz. Bu gün yeni evə köçmək uğur gətirəcək.

Dolça - Yeni işlərdən çəkinməyin. Onlar hətta çox mürəkkəb olsalar da, uğur sizinlə olacaq. Bu gün çox məqsədyönlü və qətiyyətlisiniz. İstənilən maneəni aşacaqsınız. Məlumatın yayılması sahəsində məşğul olan Balıqların uğurları isə daha böyük olacaq.
Səfərlər də sevindirəcək. Onların nəticələri qənaətbəxş olacaq. Günün ikinci yarısı yaxınlarınızla bağlı vacib xəbər ala bilərsiniz. Dəyərli hədiyyələr, sürprizlər də mümkündür.

Balıqlar - Diplomatik qabiliyyətləriniz, ən müxtəlif tipdə olan insanlarla ünsiyyət qurmağı bacarmağınız sayəsində çox şeyə nail olacaqsınız. İntuisiyanız nə zaman qətiyyətli olmağı, nə zaman güzəştə getməyi sizə diktə edəcək. Ünsiyyət üçün münasib gün olsa da, şəxsi görüşlərdənsə telefonla danışmağa və yaxud yazışmağa daha çox üstünlük verin.
Bu gün başlanan münasibətlər uzunömürlü olmasalar da, xeyli xoş emosiya bəxş edəcək. Axşam rəqs, yoqa üçün münasibdir. Kosmetik prosedurlar effektli olacaq.

Milli.Az