Qoç - Mövqeyinizi qorumaq üçün qətiyyət göstərməyiniz gərək olacaq. Sərt müzakirələrə qatılan Qoçlar daha yüksək vəzifə tutan insanlarla kəllə-kəlləyə gələcəklər. Ətrafınızda baş verən hər şeyə diqqət yetirməyiniz vacibdir: istənilən xırdalıq həlledici rol oynaya bilər.
Tanış qadınlarla münasibətlərinizin inkişafına diqqət edin: burada hər şey ilk baxışdan göründüyü kimi ahəngdar deyil. Kişilərlə dil tapmaq isə çox asandır. Cəmiyyətdə yüksək mövqe tutan bir insanla romantik münasibətləriniz yarana bilər.

Buğa - Parlaq, maraqlı gündür. Maraq doğuran təkcə baş verən hadisələr deyil, sizin onlara münasibətinizdir. Sabit emosional fon gün ərzində gözəl əhvalı qoruyub saxlamağınıza kömək edəcək. İntuisiyanız isə kiminlə iş görüb, kimdən kənar gəzməyi sizə düzgün diktə edəcək.
Kommersiya fəaliyyəti üçün münasib gündür: bağlanılan sövdələr uğurlu olacaq. Əyləncəli tədbirlərə qatılmaq məsləhətdir. Əgər kinoya gedəcəksinizsə, ciddi dram əvəzinə komediyaya üstünlük verin.

Əkizlər - Mürəkkəb məsələlərin həlli, birmənalı olmayan şəraitdən çıxış yolunun tapılması üçün münasib gündür. Bu gün ağlınıza gələn ideyalar həm təzəliyi, həm də gecikmədən reallaşdırıla bilmələri ilə diqqət çəkəcək. Vaxtınızı boşa verməyin, müsbət tendensiyaların təsiri hələ ki, güclüdür, dayanmayın, hərəkətə keçin.
İşgüzar səfərlər uğurlu olacaq, çox mümkündür ki, belə səfərlər zamanı maraqlı, eyni zamanda romantik xarakterli tanışlıqlar olsun. Bu gün aşiq olmaq, həmçinin başqalarını özünüzə valeh etmək çox asandır.

Xərçəng - Risk etməyə, taleyinizi sınağa çəkməyə meyllisiniz. Xoşbəxtlikdən, bunun nəticələri pis olmayacaq, gözlədiyinizdən daha çox bəxtiniz gətirir. Maliyyə işlərində uğurlar mümkündür, sərfəli sövdələr bağlaya bilərsiniz. Gözləmədiyiniz mənbədən pul daxil ola bilər.
Əməyinizin dərhal mükafatlandırılacağını gözləməyin: hazırda gələcək uğurlarınızın bünövrəsini qoyursunuz. Yeni ortaqlarınızla əsəkdaşlığınız məhsuldar olacaq. Bu gün başlanan romantik tanışlıq uzun sürməsə də, həyatınızı dəyişdirəcək.

Şir - Düşünülməmiş, qətiyyətli hərəkətlər günüdür: bunların əsl motivi heç özünüzə də bəlli deyil. İş bundadır ki, intuisiyanız hakimiyyəti ələ alıb, sağlam düşüncə isə onun ardınca çatdırmır. Əməllərinizin nəticəsi gözlənilməz, ancaq xoş olacaq.
Elmi ədəbiyyat oxumağınız, peşəkarlığınızı artırmaq, dünyagörüşünüzü genişləndirmək məsləhətdir. İntellektual potensialınız çox yüksəkdir, bundan yararlanmağa çalışın. Gözlənilmədən şəxsi xarakterli vacib suallarınıza cavab ala bilərsiniz.

Qız - Uzun müddət sizi irəliləməyə qoymayan emosional problemləri həll etməyin zamanı gəldi. Bu asan olmayacaq, ancaq səylərinizin nəticəsindən məmnun qalacaqsınız. İdmanla, fiziki işlə məşğul olmaq üçün münasib gündür - bu, həm kefinizi qaldırır, həm də pozitiv əhvala köklənməyə imkan yaradır.
Ətrafınızdakılara qarşı gerçək marağınız yeni tanışlıqlar qurmağa imkan verir: münasibətlər o qədər sürətli inkişaf edir ki, bəzən hətta özünüzü də qorxudur. Ancaq perspektivlər heç də pis deyil.

Tərəzi - Müxtəlif xarakterli məlumatlar alırsınız. Fəaliyyətə keçməyə tələsməyin: informasiyanı dəqiqləşdirmək, analiz etmək üçün zamana ehtiyacınız var. İşi kütlə qarşısında çıxışlar, reklam tədbirləri, səfərlərlə bağlı olan Tərəzilər üçün çox uğurlu gündür. Prioritetləri düzgün təyin etməsəniz, rutin işlər sizi vacib layihələrdən ayıracaq.
Bu gün istənilən adamı istənilən şeyə inandıra bilərsiniz. Bundan istifadə edərək çoxdankı probemlərinizi həll etmək olar. Ancaq yaxınlarınızın etibarından sui-istifadə etməyin.

Əqrəb - Mürəkkəb texnikanın alışı və onunla iş üçün münasib gündür. Çətinlik çəkmədən mürəkkəb təlimatları, yeni funksiyaları mənimsəyirsiniz. Səfərlər uğurlu keçir, bunlara çox vaxt sərf etməli olsanız da, yorulmursunuz. İşgüzar xarakterli səyahətiniz romantik məcraya yönələ bilər.
Monoton rutin işlər cansıxıcıdır. Bir az şəraiti dəyişib əylənməyə çalışın. Gözlənilməz təklifi qəbul etməkdən, əvvəllər olmadığınız yerlərə getməkdən çəkinməyin. Alış-veriş üçün uyğun gündür: unikal, orijinal əşyalara diqqət yetirin.

Oxatan - Çox uğurlu gündür, sizin üçün gözəl imkanlar yaranır. İntuisiyanız güclüdür, onu dinləyərək səhvlərdən qaçırsınız. Ancaq xırda səhvlər mümkündür. Xoşbəxtlikdən, bunları vaxtında sezib aradan qaldıra biləcəksiniz.
Planlaşdırılmamış görüşlər mümkündür, bunların nəticəsi gözlənilməz, ancaq xoş olacaq. Qonaq qəbulu üçün yaxşı gündür: ola bilsin ki, nüfuzlu adamlar bu gün sizə təşrif buyursunlar. Vacib məsələləri evdə müzakirə etmək daha məsləhətlidir, belədə sizi kimsə narahat etməz.

Oğlaq - Gərgin olsa da, çox maraqlı gündür. İşləriniz çox olacaq, tərəfdaşlarınızın vaxtında köməyi sayəsində bunların öhdəsindən gələcəksiniz. Risk etməkdən qorxmursunuz, bu, uğur qazanmaq üçün şansınızı artırır. İrimiqyaslı layihələri gerçəkləşdirmək olar.
Dövlət orqanlarının nümayəndələri ilə ünsiyyət, sənədlərin hazırlanması üçün münasib gündür. Nikaha girmək olar. Qohumlarınızla münasibətləriniz ahəngdardır. Ailə ilə birlikdə istirahətiniz xoş keçəcək. Məsləhətlərinizi həm yaşıdlarınız, həm də yaşlı nəslin nümayəndələri dinləyirlər.

Dolça - Qətiyyətlisiniz, amma riskli anları heç də həmişə düzgün dəyərləndirmirsiniz. Xoşbəxtlikdən, bu, ciddi fəsadlar yaratmır, ancaq xırda çətinliklərdən də qaça bilmirsiniz. Daha təcrübəli insanların məsləhətlərini dinləyin, rəhbərlik və həmkarlarınızla münaqişələrdən qaçın.
Yaxınlarınızla maliyyə və əmlak məslələrini müzakirə etməyiniz bu gün məsləhət deyil. Günün ikinci yarısını istirahətə və əyləncəyə sərf edin. Köhnə dostlarınızla görüşün, son vaxtların hadisələrini müzakirə edin - belə söhbətlərdən sonra gözəl ideyalarınız olacaq.

Balıqlar - Gün sizə yorucu görünür, ancaq səyləriniz hədər getməyəcək, əldə etdiyiniz nəticələr sevindirəcək. Ətrafınızdakılarla asan dil tapır, onların hərəkətlərinin əsl məramını və gizli fikirlərini vaxtında anlayırsınız. Düşmənlərinizi ifşa edə bilərsiniz.
Ailə üzvlərinə aid xəbərlər sevindirəcək. Bir çox Balıqların bayram etmək üçün səbəbləri var. Bir az özünüzü nazlandırmaq, həmçinin yaxınlarınızı sürprizlərlə sevindirmək imkanlarını qaçırmayacaqsınız. Xərcləriniz çox olacaq, amma pulsuz qalmaqdan qorxmayın.

Milli.Az