Gələn həftə «Azərbaycan Hava Yolları» QSC (AZAL) Bakıdan Türkiyənin Bodrum və Antlaya şəhərlərinə birbaşa sərnişin aviareyslərini dayandırır.
AZAL-dan verilən məlumata görə, yay mövsümünün bitməsi ilə əlaqədar Bakı-Bodrum-Bakı aviareysi sentyabrın 5-də, 7-də və 10-da bu il sonuncu dəfə yerinə yetiriləcək.
Bakı-Antalya-Bakı aviareysi isə sentyabrın 13-də, 15-də və 16-da həyata keçiriləcək və bununla da bu il sözügedən marşrutlar üzrə birbaşa uçuşlar dayandırılacaq: «Bu aviareyslər gələn il yay mövsümində yenidən bərpa olunacaq».
APA