Qoç - Yaradıcı potensialınız çox yüksəkdir. Onun sayəsində boz bir günü qeyri-adi və unudulmaz edə biləcəksiniz. Planlarınızı gerçəkləşdirə biləcəksiniz. Bunlardan azacıq kənara çıxmağınızın da sizə yalnız xeyri dəyəcək. Elm və ictimai fəaliyyətlə məşğul olanlar üçün gün çox uğurludur.
Pul ala bilərsiniz. Onları düzgün idarə edirsiniz: perspektivli layihələrə yatırır, uğurlu alış-veriş edirsiniz.
Buğa - Enerji və gücünüzün artdığını hiss edirsiniz. Özünüzə inamınız çoxalır. Bir qədər əvvəl mümkünsüz görünən bəzi planlarınızı gerçəkləşdirməyə nail olursunuz. Əvvəllər dil tapa bilmədiyiniz insanlar da sizə yardım edirlər. Rəhbərliklə, nüfuzlu şəxslərlə münasibətləriniz yaxşılaşır.
Sahibkarlıq fəaliyyəti, biznesdə istənilən başlanğıc üçün əla gündür. Əgər özünüzü itirməyib vaxtında təşəbbüs göstərsəniz, sevgidə də bəxtiniz gətirəcək. İri alış-veriş, bədxərclik məsləhət deyil.
Əkizlər - Sözü insanların üzünə çırpırsınız və bu, çoxlarının xoşuna gəlmir. Ancaq fikirlərinizi açıq-aşkar söyləməyiniz tərəfdaşlarınızla ümumi dil tapmağa, həmçinin xoşunuza gələn insanların rəğbətini qazanmağa imkan verir. Biznesdə təşəbbüs göstərin, intuisiyanız darda qoymayacaq.
İşgüzar və enerjilisiniz. Dostlarınız və yaxınlarınız sizə çatdırmırlar və bu, paxıllıq əvəzinə zarafat üçün bir bəhanəyə çevrilir. Köhnə tanışlarınızdan gözlənilməz təklif ala bilərsiniz. Bəzi Əkizlər öz hobbilərini gəlir mənbəyinə çevirəcəklər.
Xərçəng - Kommersiya fəaliyyəti, işgüzar əlaqələrin qurulması üçün münasib gündür. Ənənəyə riayət etmək və yoxlanılmış metodalarla işləmək vacib deyil - improvizə, eksperiment etmək, yenilikləri sınaqdan keçirmək olar.
Cazibədarsınız və qarşı cinsin nümayəndələri bunun fərqindədirlər. Onlar tərəfdən diqqətin azlığından şikayat etməyəcəksiniz. Köhnə dostlarınızı sözsüz də başa düşürsünüz, elə yeni tanışlarınızla da pis anlaşmırsınız. Qəfil səfərlər xoş sürprizlər vəd edir.
Şir - Çox sakit gündür, narahatlıq üçün heç bir əsas olmayacaq. Çaşmadan, əsəbləşmədən eyni zamanda bir neçə iş görə bilirsiniz. Bir çox Şirlər özlərində yeni istedadlar kəşf edəcək və bunlardan mütləq yararlanacaqlar.
İstirahət, dostlarla görüşlər, ziyafət məclisləri üçün gözəl gündür. Geyim, ayaqqabı, bəzək əşyaları almaq olar. Mebel, yaxud interyer üçün əşya almaq həvəsinizi isə boğun. Günün ikinci yarısı sükan arxasında çox eştiyatlı olun.
Qız - Fikirləşin, bu gün bu, sizdə xüsusilə gözəl alınır. İstənilən məsələnin öhdəsindən asanlıqla gəlirsiniz, üstəlik, bu zaman köməyə ehtiyac duymursunuz. İşgüzar əlaqələrin qurulması, müxtəlif sahələrdə əməkdaşlıq üçün əla gündür. Ancaq liderlik sözsüz sizə məxsüs olmalıdır, yalnız bu halda nəticələr gözləntiləri doğruldacəq.
Qonaqlıq təşkil edib, dostlarınızı çağıra bilərsiniz. Romantik münasibətlərdə təşəbbüskar olun. Ailəli Qızların yaxınlarına qarşı daha diqqətli olmaları məsləhətdir.
Tərəzi - Davranışlarınızın motivi ətrafdakılara elə də aydın deyil, ancaq siz nəyi və niyə etdiyinizi gözəl bilirsiniz. Günün birinci yarısı vaxtınızı izahlara sərf etməyin: hər dəqiqənin bir hökmü var. Axşama doğru isə bütün anlaşılmazlıqları aradan qaldırmaq üçün müzakirə təşkil etmək olar.
Gözləmədiyiniz halda pul ala və çoxdankı ideyalarınızı gerçəkləşdirə bilərsiniz. Axşamı darıxdığınız bir adamla birlikdə keçirmək şansı yarana bilər.
Əqrəb - İşdə fikir ayrılıqlarını aradan qaldırmaq və həmkarlarla, rəhbərliklə, iş ortaqlarınızla münasibətləri düzəltmək imkanı yaranır. İdeyalarınız hamının xoşuna gəlir, gecikmədən onları reallaşdırmaq olar. Yalnız maliyyə məsələlərinin həllində tələsmək məsləhət görülmür.
Yeni işlər yaranır, vəzifələrinizin və məsuliyyətinizin qədəri nəinki işdə, evdə də artır. Maraqlı görüşlər mümkündür. Yeni tanışlarınız sizə rəğbətlərini bildirsələr də, siz onlara şübhə ilə yanaşırsınız.
Oxatan - Nüfuzunuz artır, tərəfdaş, həmfikir və pərəstişkarlar ordusu yığırsınız. Bir ara özlərini sizdən üstün sayanlar indi sizə altdan yuxarı baxmağa məcburdurlar. Əsas odur - qürrələnməyəsiniz, ünsiyyətdə səmimiyyəti qoruyub saxlayasınız. Ehtiyacı olanlara vaxtında kömək etməyə çalışın.
Cəsarətli, qətiyyətli, təşəbbüskar və həddən artıq cazibədarsınız. Yeni tanışlıqlar və romantik macəraların sayı çoxalır. Uşaqlarla ünsiyyət sizi sevindirəcək.
Oğlaq - Əsl qələbə qazana bilərsiniz. Uğur qazanmağınıza mane olan yeganə şey - cəsarət və qətiyyətinizin azlığıdır. Həmkarlarınızla, iş ortaqlarınızla ünsiyyətdə qətiyyətli olun: öz nöqteyi-nəzərinizi qoruyub-saxlamalısınız. Düzgün davransanız, çoxları üçün nümunə ola bilərsiniz.
Əlinizə pul gəlməsi mümkündür. Köhnə tanışlarla görüşlər isə sizi pullardan daha çox sevindirəcək: xeyli xoş xəbər alacaqsınız. Səfərə, romantik səyahətə çıxmaq olar.
Dolça - Rahat və xoş ünsiyyət günüdür. Ətrafınızdakılarla yaxşı dil tapırsınız, sülhün qorunması üçün əsl hiss və fikirlərinizi gizlətməli olmursunuz. Qadınlarla işgüzar təmaslar xoş keçəcək. Əməkdaşlıq barədə maraqlı təkliflər ala bilərsiniz. Əgər bunları qəbul etsəniz, çox işləməli olacaqsınız, ancaq nəticəsi sizi qane edəcək.
Ziyafətlərə qatılmaq olar. Parlamaq niyyətindəsiniz və bu sizdə əla alınır. Romantik münasibətlər daha ciddi səviyyəyə keçir. Bir çox Dolçalar ailə qurmaq barədə fikirləşəcəklər.
Balıqlar - İstənilən məşğuliyyət üçün münasib gündür. Bütün işləri böyük entuziazmla başlayırsınız və onun sayəsində əla nəticələr əldə edirsiniz. Ancaq gücünüzü düzgün hesablayın: enerjiniz elə də çox deyil, yorğunluq səbəbindən səhhətiniz pisləşə bilər.
Demək olar ki, bütün Balıqlar bu gün yaradıcılığa meyllidirlər. Həyatınızda köklü dəyişikliklər mümkündür: çox güman ki, bunlar sizi sevindirəcək. Uzun müddət dil tapmadığınız insanla aranız düzələcək.
Milli.Az