Yanvarın 24-də Azərbaycan Yazıçılar Birliyinin (AYB) “Natəvan” klubunda qurumun Gənc Ədiblər Məktəbinin (GƏM) üzvlərinin tanınmış şair Vaqif Bəhmənli ilə görüşü keçirilib.
AYB-nin katibi Rəşad Məcid V.Bəhmənlinin GƏM-in yaradıcılarından biri olduğunu bildirib və onun hər il yeniləşən bu qurumun üzvləri ilə görüşlərini yüksək dəyərləndirib. O, təkcə əsərləri ilə deyil, öz tövsiyələri ilə də gənclərə örnək olan şairin yaradıcılığından söhbət açıb.
Tədbirdə tanınmış şairlər Oqtay Rza, Seyran Səxavət, Qəşəm Nəcəfzadə, Fərqanə Mehdi və başqaları gənc şairlər - Habil Rzanov, Sevinc İşıq, Şəhanə Müşfiq, Şəlalə Adilqızı və digər gənclərin şeirlərini dinləyərək onlara öz tövsiyələrini veriblər.
Görüşdə Vaqif Bəhmənlinin yeni çapdan çıxmış “Bir məktub, dörd söhbət” və “Artırma” kitablarının “imza günü” keçirilib.
Sonda şair Vaqif Bəhmənli gənclərin suallarını cavablandırıb.
azertag.az