“Facebook” sosial şəbəkəsi “Instagram Stories”ə analoji olan “tarixçə” işə salır.
Sınaq buraxılış çərçivəsində “Facebook Stories”ə ilk olaraq İrlandiya sakinlərinin çıxışı olacaq. Funksiyanı “iOS” və “Android” ilə işlətmək mümkün olacaq. Şirkət növbəti aylarda yeniliyin qlobal hal alacağını vəd edib.
Dizayn nöqteyi-nəzərindən “Facebook” yeni heç nə düşünməyib. İstifadəçilərin yeni “tarixçə”ni görmədikləri halda o, analoji göy rəngə boyanıb, “dairə” ilə işarələnir.
“Instagram”ın “Snapchat”dan götürdüyü bu funksiya daha öncə “VKontakte”də də olub.
oxu.az