Yanvarın 28-də “YARAT” Müasir İncəsənət Mərkəzində klassik musiqi axşamı təşkil olunub.
Ü.Hacıbəyli adına Bakı Musiqi Akademiyası nəzdində Bakı Kamera Orkestrinin iştirakı ilə gerçəkləşən konsertdə bir-birindən maraqlı klassik musiqi nömrələri təqdim edilib. Konsert çərçivəsində Azərbaycan bəstəkarları ilə yanaşı, dünya bəstəkarlarının da əsərləri səslənib.
Qeyd edək ki, bir çox beynəlxalq müsabiqələrin laureatı olan orkestr Türkiyə, İtaliya, Fransa, Yunanıstan, Belçika və Özbəkistanda təşkil edilən beynəlxalq festivallarda uğurla çıxış edib.
azertag.az