Milli Azərbaycan Tarixi Muzeyinə Şamaxı zadəganları nəslindən Adil bəy Cəbrayılbəyliyə məxsus şəxsi əşyalar hədiyyə edilib.
Muzeydən verilən məlumata görə, Şamaxı zadəganları nəslindən Adil bəy Cəbrayılbəyliyə məxsus şəxsi əşyalar onun qohumu Ş.Qasımov tərəfindən Muzeyə təqdim edilib. Adil bəy Cəbrayılbəyliyə məxsus yeni materiallar - möhür qabı, təsbeh və nəfəs musiqi alətidir. XIX əsrin sonuna aid olan bu eksponatların Muzeyə təqdim olunması zəngin mədəni irsimizin qorunub yaşadılmasına və gələcək nəsillərə çatdırılmasına xidmət edir.
Qeyd edək ki, Adil bəy Cəbrayılbəyli Azərbaycanın görkəmli ziyalısı, yazıçı və əməkdar müəllimi Camo Cəbrayılbəylinin atasıdır.
trend.az