“Art Tower” qalereyasında “START” layihəsi çərçivəsində “Azərbaycan qış mənzərələri fotolarda” adlı sərgi açılıb.
Sərgi “Arts Council Azerbaijan” qeyri-hökumət təşkilatı və Azərbaycan Respublikasının Nazirlər Kabineti yanında “İçərişəhər” Dövlət Tarix-Memarlıq Qoruğu İdarəsi tərəfindən istedadlı fotoqrafların inkişafı məqsədilə təşkil edilib.
Fevralın 5-də başa çatacaq sərginin kuratoru Rüstəm Hüseynovdur.
Layihə çərçivəsində keçirilən bu sərgi Azərbaycan qış mənzərələrinin təbliğinə, mənzərə fotoqrafiyası sahəsində gənclərin rolunun artırılmasına təkan verəcək.
Sərgidə peşəkar və həvəskar olmaqla 10 fotoqrafın Azərbaycanın qış mənzərələrini əks etdirən əsərləri nümayiş olunur.
azertag.az