Fevralın 16-da “YARAT” Müasir İncəsənət Mərkəzində canlı musiqi axşamı təşkil olunacaq.
“YARAT”dan bildirilib ki, “Musiqi axşamları” layihəsi çərçivəsində reallaşacaq gecənin budəfəki qonağı “Dezz band” musiqi qrupu olacaq. Qrup rok, soft-rok, blyuz və caz janrlarında maraqlı musiqi nömrələri ilə çıxış edəcək. Hər kəsin qatıla biləcəyi konsertdə Cozef Abbas (gitara), Emin Əlizadə (solo-gitara), Teymur Cəbrayılov (baraban) və İsa Mirzəyev (bass-gitara) çıxış edəcəklər.
azertag.az