Martın 13-də Azərbaycan Yazıçılar Birliyində (AYB) professor Qəzənfər Paşayevin “Hüseyn Kürdoğlunun poetik dünyası” adlı monoqrafiyasının imza günü keçiriləcək.
AYB-dən bildirilib ki, kitabda XX yüzilliyin 50-ci illərində ədəbiyyata gəlmiş görkəmli şair, alim və tədqiqatçı Hüseyn Kürdoğlunun yaradıcılığı fundamental şəkildə təhlil olunub.
Bildirilib ki, “Sabah” nəşriyyatında çap olunmuş kitabın “Ön söz” müəllifi Milli Məclisin deputatı, akademik İsa Həbibbəyli, redaktoru filologiya elmlər doktoru, professor Şirindil Alışanlıdır.
azertag.az