Qoç - İşgüzar təmaslar üçün uğurlu gündür. Bu gün əvvəllər sizə qarşı olan insanların rəğbətini qazana bilərsiniz. İntuisiyanız çox güclüdür, onun sayəsində işbirliyində olduğunuz adamların əsl maraq və məqsədlərini anlayırsınız. Xarici şirkətlərdən əməkdaşlıq təklifi ala bilərsiniz.
Günün birinci yarısı bağladığınız sövdələr gəlir gətirəcək. Sonra isə maliyyə vəziyyəti dəyişəcək, özü də heç xoş olmayan tərzdə. Axşam planlaşdırılmamış alış-verişə çıxmayın.

Buğa - Cari, rutin işlərə istəmədən çox vaxt sərf edirsiniz. Ancaq yalnız bunları bitirəndən sonra əsas məsələlərə keçmək olar. İşdə eksperimentlər aparmaq məsləhət deyil, yaxşı olar ki, yoxlanılmış metodlardan istifadə edəsiniz. Rəhbərliyin dəstəyinə yalnız axşamtərəfi nail ola bilərsiniz.
Fiziki iş və idmanla məşğul olun. Axşam səbəbsiz həyəcan yaşayaqsınız. Sakit olmağa çalışın. Energetik içkilərdən uzaq durun.

Əkizlər - Bu gün inadınız, qətiyyətiniz və məqsədyönlülüyünüzlə Zodiakın digər bürclərindən seçilirsiniz. Gücünüzü düzgün bölüşdürsəniz, doğrudan da, möhtəşəm nailiyyətlər əldə edə bilərsiniz. İnandığınız adamlardan bəziləri sizin nailiyyətlərinizi öz adlarına çıxaraq bunlardan öz mənafeləri üçün istifadə edə bilərlər.
Yaxınlarınız bir çox ideyalarınızı dəstəkləməyə hazırdırlar. Amma buna baxmayaraq, sizi tənqid eləməkdən də özlərini saxlamayacaqlar. Təmkininizi pozmayın, hər bir iraddan faydalana bilərsiniz. Bir çox Əkizlər bu gün başqalarının səhvlərindən ibrət dərsi götürürlər.

Xərçəng - İşdə özünüzü ən yaxşı tərəfdən göstərəcəksiniz, sizin bacarıq və nailiyyətlərinizi nüfuzlu insanlar görəcəklər. Ancaq unutmayın: hamiləriniz nə qədər güclü olsalar da, sizin problemlərinizin hamısını həll edə bilməzlər. Təşəbbüs göstərmək olar. Bəzi Xərçənglər nəinki vəzifələrinin artırılmasına layiq olduqlarını sübut edəcək, həmçinin buna nail olacaqlar.
Ev işlərinə çox vaxt ayırır, yaxınlarınızın mənəvi rahatlığının və sakitliyinin qayğısına qalırsınız. Öz istəklərinizi yaddan çıxarmayın - bu gün onlar da yerinə yetə bilər.

Şir - Xeyli gözlənilməzlik yaşayacaq, hərdən yaranmış situasiyadan necə baş tapmağı bilməyəcəksiniz. Sizə məsləhət verən çoxdur, amma yaxşı olar ki, öz intuisiyanıza qulaq asasınız. Rəhbərliklə aranızda fikir ayrılığı yarana bilər, çalışın, bunları tezliklə aradan qaldırasınız.
Telefon danışıqları bu gün çox vaxt alacaq, özü də bunların heç də hamısı xoş olmayacaq. Uzaqlardan sizi narahat edəcək xəbərlər ala bilərsiniz. Yaxınlarınız çətin məqamlarda köməyinizə gələcək, sizi ruhlandırmağa çalışacaqlar.

Qız - İstənilən məsələnin həlli üçün münasib gündür. Soyuqqanlısınız, bu səbəbdən mübahisələrdə şəxsiyyətə keçmir, münaqişəli situasiya yaratmırsınız. Çox qaraqabaq adamlarla da dil tapa bilirsiniz. Ezamiyyətlər və işgüzar səfərlər rahat keçir.
Ailə problemlərini həll etmək üçün bir az zəhmət çəkməli olacaqsınız. Amma hamısının öhdəsindən gələcəksiniz. Qonaq çağıra, dostlarınız və ailə üzvləriniz üçün bayram təşkil edə bilərsiniz. Xoş sürprizlər, qiymətli hədiyyə almağınız mümkündür. Enerjiniz çoxdur, yorulmaq bilmirsiniz.

Tərəzi - Maliyyə məsələlərinin həlli üçün uyğun gündür, iri alış-verişə çıxa, yatırımlar edə bilərsiniz. Biznes duyumunuz bu gün əladır: perspektivli layihələri uğursuzlardan asanlıqla seçirsiniz. Rəhbərliklə fikir ayrılıqları mümkündür, ancaq hadisələrin inkişafı sizin haqlı olduğunuzu sübut edəcək.
Sizin üçün rəyi dəyərli olan bir insanın hörmətini qazanmaq üçün şərait yaranacaq. Öz bilikləri və həyat təcrübəsini sizinlə bölüşməyə hazır olan insanlarla görüşün. Hüquqi məsələləri həll etmək, dövlət orqanlarına müraciət etmək olar.

Əqrəb - O qədər də çox şey vəd etməsə də, pis gün deyil. Dediyiniz hər sözü ağzınızdan «bişirib» çıxarın: sizi çox diqqətlə dinləyirlər, özü də bunların hamısı sizi çox istədiklərindən belə etmir. Bəzi Əqrəblər özlərinin keçmiş düşmənlərini dosta çevirə biləcəklər. Sonuncular isə tez bir zamanda öz vəfalarını sübut edəcəklər. Sizə çox vəd verən insanlara inanmayın - çox güman ki, müsahibiniz özü də istəmədən sizi yanıldır.
Asanlıqla aşiq olur, başınızı itirirsiniz, ilk baxışdan məhəbbət bu gün sizi tapa bilər. Artıq öz yarlarını tapanlar isə onların yeni xüsusiyyətlərinə təəccüblənib heyran olacaqlar.

Oxatan - Öz ideya və planlarınızı bölüşün. Əgər sizə tərəfdaş və həmfikir lazımdırsa, bu gün «ova» çıxın, mütləq tapacaqsınız. Əla təşkilatçı olduğunuzu bu gün sübut edə bilərsiniz. Rəhbər Oxatanlar həm öz əmrlərinin sözsüz və əla yerinə yetirilməsinə nail olacaq, həm də hamının hörmətini qazanacaqlar.
Xeyli mübahisə edəcək, amma öz nöqteyi-nəzərinizi müdafiə edə biləcəksiniz. Haqlı olduğunuza inam istənilən situasiyada təmkininizi qorumağa, tənqidi və bədxahlarınızın atmacalarını ləyaqətlə qəbul etməyinizə imkan verir.

Oğlaq - Bağlı qapını sındırmağa dəyməz. Yəqin ki, bir qədər aralıda məhz sizin üçün açıq qoyulmuş digər qapı var. Ehtiyat planı olan Oğlaqlar bu gün uğurlu olacaqlar: şərait pisləşərsə, düşünmək üçün onlara uzun müddət gərək olmayacaq.
Maliyyə baxımından çox uğurlu gündür. Bağladığınız sövdələr gəlir gətirəcək. Öz nailiyyətləriniz barədə danışmaqdan çəkinməyin - dostlarınız sevincinizi bölüşəcək, düşmənləriniz isə qələbələrinizin ədalətli olduğunu etiraf edəcəklər. İctimai və siyasi tədbirlərdə iştirak üçün münasib gündür.

Dolça - Çox dözümlüsünüz. Hətta o qədər dözümlüsünüz ki, bu sizə ziyan vurur. İstəkləriniz barədə açıq danışın, öz nöqteyi-nəzərinizi açıq ortaya qoyun. Bəli, kimsə sizdən narazı qalacaq, olsun! Bu sizin üçün vacibdirmi? Dostlarınız və əzizləriniz hər bir şeydə sizinlə razılaşmasalar da, sizi dəstəkləyəcəklər.
Axşam sakitlikdə dincəlməyə, kitab oxumağa çalışın. Rok-musiqi dinləmək, müsiqinin gur səsləndiyi yerlərdə oturmaq məsləhət deyil - bu gün səslərə qarşı çox həssassınız. Səhhətinizlə ciddi problem yaşamayacaqsınız.

Balıqlar - İşdə möhtəşəm nailiyyətlər gözləməyin, ancaq bədxahlarınız üzərində inamlı qələbə qazana bilərsiniz. Şəraiti gözəl anlayır, lazımi yerdə lazımi vaxtda olmağı bacarır, məhz lazım olan sözləri deyirsiniz. Məhz buna görə istədiyiniz nəticələrə daha tez nail olursunuz.
Şəxsi münasibətlər, əgər heç bir təşəbbüs göstərməsəniz, olduğu kimi qalacaq. Məhz nəyə nail olmaq istədiyinizi özünüz üçün aydınlaşdırın, bunsuz heç bir addım atmayın.

Milli.Az