Qoç - Cəsarətli plan və orijinal ideyalarınız var? Əgər varsa, sevinin: onların reallaşdırılması üçün əla vaxt gəlib yetişdi. Nə qədər qətiyyətli olsanız, uğur qazanmağınız bir o qədər realdır. Dərhal olmasa da, nüfuzlu insanların dəstəyinizi alacaqsınız, onlar sizin istedad və işgüzar keyfiyyətlərinizi düzgün qiymətləndirəcəklər.
Qohumlarla ünsiyyət, əmlak və maliyyə mübahisələrinin aradan qaldırılması üçün əlverişli gündür. Gözləmədiyiniz mənbədən pul ala bilərsiniz. Romantik münasibətlərə başlamaq olar.

Buğa - Uğurlu və məhsuldar gündür. İşlərdə böyük uğurlarınız gözlənilir. Çox müşhidəçilsiniz, tez-tez başqalarının diqqət yetirmədiklərini görürsünüz. Rəhbərlik və ortaqlarla necə davranmaqda, nüfuzlu insanların dəstəyini qazanmaqda intuisiyanıza güvənin. Bu gün məqsədə aparan yolların hamısı düppədüz deyil, bəziləri qıvrılsa da, lazımi yerə çıxarır.
Yeni tanışlıqlar mümkündür, maraqlı insanlarla tanış ola bilərsiniz. Yüksək mənsəbli biri ilə eşq macəranız yarana bilər.

Əkizlər - Bu gün ətrafınızdakılarda yaxşı təəssürat oyatmağınız şərtdir. Burada iş təkcə xarici görünüşlə bitmir (ona söz yox!), hərəkətlərinizə və nə dediyinizə fikir verin. Öz xasiyyətinizin yaxşı tərəflərini göstərməyə çalışın. Heç kimə dürüstlüyünüzə şübhə etmək üçün, qiybət və şayiələr üçün əsas verməyin.
Səfərlər və ya uzaqdan gələn şəxslərlə ünsiyyət üçün əla gündür. Əcnəbi vətəndaşa aşiq olmağınız da mümkündür. Bir çox Əkizlər bitirəcəklərinə çox şübhə etdikləri işi nəhayət sona yetirəcəklər.

Xərçəng - İşdə uğurlar qazana bilərsiniz, yeni, mürəkkəb məsələlərin öhdəsindən asanlıqla gəlirsiniz. İstənilən şəraitdə nikbinliyinizi və öz gücünüzə inamı qoruyub saxlayırsınız. Bu, ətrafınızdakılarda xoş təəssürat yaradır, sizə nüfuzlu insanların rəğbətini qazandırır.
Tanışlıqların sayı çox olmasa da, həyatınızda vacib rol oynayacaq maraqlı bir insanla rastlaşa bilərsiniz. Ailəli Xərçənglər həyat yoldaşları ilə münasibətlərini möhkəmlədə, mübahisələrə son qoya bilərlər.

Şir - Bu günü özünüz rəngləndirməyə çalışacaqsınız. Yaxşı ideyalarınız çoxdur, həm cəsarətli planlar qurur, həm də onların reallaşdırılması üçün orijinal metodlar fikirləşib tapırsınız. Enerjiniz aşıb-daşır və onu müsbət məcraya çevirməyiniz vacibdir.
Ətrafınızdakılar çox vaxt sizə yetişə bilmirlər və bundan hirslənən də sizsiniz. Çalışın, olanlara yumorla yanaşaraq, sizdən ləng tərpənənlərə əsəbləşməyəsiniz. Özünə inamı az olan, pessimist, öz ideyalarını gerçəkləşdirə bilməyən insanlar bu gün sizə üz tuturlar - köməyinizi əsirgəməyin.

Qız - Hərəkət planı tərtib edərək ona tamamilə riayət etməyə çalışın, əks halda qarışıqlıq yaranacaq və əməyiniz puç olacaq. Kimsə haqqınızda yalan məlumat yayacaq, onu vaxtında təkzib etmək lazımdır. Bu gün daha çox özünüzlə maraqlanır, başqalarına etinasızlıqla yanaşırsınız, çoxları isə bundan narazı qalır.
Yaxınlarınıza diqqət ayırın. Xüsusilə də yaşlı qohumlarınızın buna ehtiyacı var. Ailə tədbirlərindən yayınmayın. Günün ikinci yarısı təşviş doğuracaq hadisələr baş verə bilər. Həyəcanlarınızı özünüzə yaxın bildiyiniz adamla bölüşə bilərsiniz.

Tərəzi - Cazibənizdən peşəkar problemlərinizin həll olunmasında istifadə edə bilərsiniz. Bu gün insani keyfiyyətlərinizi daha çox qabardın. Bacarıq və bilikdə sizdən geri qalanlarla nəzakətlə davranın, özünüzün üstünlüyünüzü nümayiş etdirməyin, əks halda xeyli düşmən qazana bilərsiniz.
İşdə məhəbbət macərası başlana bilər. O, düşündüyünüzdən daha ciddi və uzunmüddətli ola bilər. Bu gün keçmişdə etdiyiniz səhvlərinizi anlayacaq və onları düzəltməyə çalışacaqsınız.

Əqrəb - Nə baş verirsə-versin, təmkininizi qorumağa çalışın. Düzdür, şərait siz istəyən kimi deyil, amma istənilən situasiyadan çıxış yolu, özü də ən uğurlusunu, tapa biləcəksiniz. Bəzi Əqrəblərə yaxşı tanımadıqları insanlar dəstək olacaqlar. Gözləmədiyiniz mənbədən pul ala bilərsiniz.
Romantik münasibətlər sizin üçün qeyri-adi məcrada inkişaf edir. Şəraitə nəzarəti ələ almağa çalışmayın - taleyinizə inanın, sizi yeni və xoş kəşflər gözləyir. Bu gün bağlanan nikahlar çox uğurlu olacaq.

Oxatan - Qarşınızda məqsəd qoyun və ona doğru gedin - sizi heç kim və heç nə saxlaya bilməz. Hansısa çətinliklər yaransa da, siz onları heç görməyəcəksiniz. Bu yaxınlaradək özünün haqlı olduğuna yüz faiz əmin olan bir insanla mübahisəni məhz siz qazana bilərsiniz. Həm tərəfdaş, həm də pərəstişkar qazana bilərsiniz.
Yeni bir eşq macərasına başlamaq üçün əla gündür. Əsas odur ki, seçdiyiniz adamı həmlələrinizlə hürkütməyəsiniz: sizi layiqincə qiymətləndirmək üçün ona imkan verin. Səfərlər çox uğurlu olacaq.

Oğlaq - Əvvəlcədən təyin etdiyiniz məqsədlərinizə doğru gedin, yolunuzdan sapdırmağa çalışanlara isə imkan verməyin. Sizi şirnikləndirmək istəyənlər çox olacaq, amma özünüzdə güc tapıb bunlara etiraz edə bilərsiniz. Yeni tərəfdaşlarınızla əməkdaşlığınız qarşınızda yeni perspektivlər açacaq.
Yaxınlarınızla münasibətləriniz gərgindir: uzun müddət üzərindən sükutla keçdiyiniz məsələləri müzakirə etməyin vaxtı gəlib. Xırdaca da olsa, hansısa bir risklə bağlı şəraitlərdən qaçın: ehtiyatsızlığınız ucbatından ziyan çəkə bilərsiniz.

Dolça - Yeni tərəfdaş tapmaq istəyirdiniz? Arzunuz gerçəkləşir. Bu gün hamı sizinlə ünsiyyətə can atır, hətta uzun müddət diqqətini cəlb etməyə nail olmadığınız adamlar belə. İmicinizlə enksperiment edə, yeni stil seçə bilərsiniz.
Bu gün gözəl bir şey yarada bilərsiniz - onun nədən, hansı materialdan ibarət olmasının isə əhəmiyyəti yoxdur. Sevdiyiniz şəxslə ünsiyyətdə cəsarətli olun. Təşəbbüs göstərə, hissləriniz barədə danışa bilərsiniz. Ola bilsin ki, cavabında xəyalınıza gətirməyə belə ehtiyat etdiyiniz bir etiraf eşidəsiniz.

Balıqlar - Tərəfdaş və ortaqlarınızın vaxtında göstərdikləri dəstək sayəsində uğur qazana bilərsiniz. Təklif edilən köməyin əvəzinin sizə baha başa gələcəyini düşünürsünüz? Eybi yox, qəbul edin. Qətiyyət və cəsarətiniz artır. Qarşınıza qoyduğunuz məqsədlərə çatmaq üçün heç bir maneə yoxdur.
Ancaq unutmayın ki, gücünüz hüdudsuz deyil: vaxtında dayanıb nəfəs dərmək lazımdır. Ətrafınızdakıların bütün problemlərini həll etməyə çalışmayın - hərdən insanlara çətin şəraitdən müstəqil surətdə çıxmaq üçün imkan yaratmaq lazımdır.

Milli.Az