Aprelin 6-da “YARAT” Müasir İncəsənət Mərkəzində “Freestyle” layihəsi çərçivəsində Dmitri Babayevin rəhbərliyi ilə gənc vokalçıların konserti keçiriləcək.
Mərkəzdən bildirilib ki, konsertdə Müslüm Maqomayev adına 26 nömrəli onbirillik musiqi məktəbinin, Bülbül adına orta ixtisas musiqi məktəbinin şagirdləri və Üzeyir Hacıbəyli adına Bakı Musiqi Akademiyasının tələbələri çıxış edəcəklər. Tədbirdə, həmçinin Naala Bratelinin rəhbərliyi ilə “Lumineux” xorunun ifası baş tutacaq. Çıxışın konsertmeysteri Pərviz Məmmədovdur.
Proqram vokalçı, çoxsaylı beynəlxalq yarışlar laureatı və münsiflər heyətinin üzvü, “Səs Azərbaycan” şousunun, Bakı Musiqi Akademiyası, Bülbül adına orta ixtisas və digər musiqi məktəblərinin vokal müəllimi Dmitri Babayev tərəfindən hazırlanıb.
azertag.az