Aprelin 22-də Xilaskar İsa Məbədin kilsə zalında estrada müğənnisi, RSFSR-in Xalq Artisti Mayya Kristalinskayanın (1932-1985) xatirəsinə həsr edilmiş “Dünya sənsiz boşaldı” adlı konsert proqramı təqdim olunacaq. Həmvətənimiz Emil Qədirov bu konsertdə çıxış edəcək.
Bu barədə məlumat Emil Qədirovun saytında yer alıb.
E.Qədirov Kreml Sarayında, İttifaqlar evinin sütunlu salonunda, Moskva musiqi evi, Mərkəzi alimlər evi, Xilaskar İsa Məbədində solo konsert proqramları ilə çıxış edib. O, Rusiyanın “Qolos” layihəsinin iştirakçısı olub, hazırda “Qradskiy Holl” teatrının solistidir. Onun repertuarına dünya klassik operasından ariyalar, dünya bəstəkarlarının romansları və estrada mahnıları daxildir.
azertag.az