Aprelin 6-da Dinara Əliyevanın “Opera Art” İkinci Beynəlxalq Musiqi Festivalı çərçivəsində P.Çaykovski adına Moskva Dövlət Konservatoriyasının böyük zalında C.Verdinin “Trubadur” operasının konsert ifası olacaq.
Bu barədə məlumat festivalın və Moskva Dövlət Konservatoriyasının saytlarında yer alıb.
“Trubadur” operası Dinara Əliyeva (soprano), Murad Qaraxan (tenor), Olesya Petrova (metso-soprano) və Enxbatın Amartuvşinin (bariton) ifasında təqdim olunacaq. Onları Y.Kolobov adına “Novaya opera” Moskva teatrının orkestri və “Xor ifaçılığı ustaları” Böyük Akademik Xorun kollektivi müşayiət edəcək.
Festival aprelin 13-də başa çatacaq.
azertag.az