Maşın sürmək üçün ən təhlükəli gün cümə günüdür. Amerikalı ekspertlər belə bir qənaətə gəliblər. "Nationwide Insurance" şirkətinin verdiyi məlumata görə, Amerikada ən çox avtomobil qəzaları həftənin 5-ci günləri baş verir. Həmin gün Birləşmiş Ştatlar ərazisində 4-6-dan çox yol qəzası baş verir.
"Cümə günləri insanlar qarşıdakı istirahət günləri barədə düşünürlər, planlar qururlar, bu səbəbdən yoldan diqqətləri yayınır", - şirkətin vitse-prezidenti Bill Vindzor bildirib.
Onun sözlərinə görə, qəzaların çoxu pik vaxtlarında baş verir və əsasən də, qarşıda gedən avtomobillə toqquşma halları qeydə alınır.
Milli.Az