Mayın 19-da M.Maqomayev adına Azərbaycan Dövlət Filarmoniyasında Xalq Artisti, unudulmaz bəstəkar Aqşin Əlizadənin 80 illik yubileyinə həsr olunan tədbir keçiriləcək.
Tədbir Mədəniyyət və Turizm Nazirliyi, Azərbaycan Bəstəkarlar İttifaqı və filarmoniyanın birgə təşkilatçılığı ilə baş tutacaq.
Tədbirdə A.Əlizadənin həyat və yaradıcılığını əks etdirən fotosərgi açılacaq, onun musiqi mədəniyyətimiz tarixində xidmətlərindən bəhs olunacaq və konsert proqramı təqdim ediləcək.
Konsert Ü.Hacıbəyli adına Azərbaycan Dövlət Simfonik Orkestri və Dövlət Xor Kapellasının iştirakı ilə reallaşacaq.
azertag.az