Heydər Əliyevin anadan olmasının 94 illiyi ilə bağlı tədbirlər çərçivəsində Rayon İcra Hakimiyyəti tərəfindən növbəti iməclik keçirilib.
İH-dən daxil olan xəbərə görə, Səbail Rayon ictimaiyyəti, təsərrüfat xidmətləri, idarə və təşkilatların nümayəndələrinin, gənclərin iştirakı ilə Badamdar qəsəbəsinin yeni yaşayış massivində və həmçinin keçən il «Şıx» yamacında yaradılmış «Ekoloji park»ın ərazisində ümumilikdə 1000 nəfərə yaxın insan iştirak edib.
Badamdar qəsəbəsində 4,8 ha sahədə salınmış Zeytun bağında ağaclara qulluq göstərilib, ərazi daş və məişət tullantılarından təmizlənib. Ağaclara ilboyu qulluq göstərilməsi üçün burada su çənləri quraşdırılıb və damcı üsulu ilə suvarılma xətləri çəkilib. İlboyu göstərilən qulluq nəticəsində ötən il əkilmiş ağacların çox böyük əksəriyyətinin boy atdığı müşahidə olunub. İməclikdə əlavə olaraq 1000 ədəd yeni ağac əkilib ki, onların da əksəriyyətini həmin ərazinin iqliminə uyğun olan Eldar şamı və zeytun ağacları təşkil edib.
Həmçinin iməclik «Şıx» yamacında 29 ha sahədə salınmış «Ekoloji park»ın ərazisində də keçirilib. Burada keçən il RİH tərəfindən 75 mindən çox yeni ağac əkilib.
Mövsüm ərzində Səbail rayonunda ərazinin yaşıllaşdırılması, yeni ağacların əkilməsi, yaşıllıqlara qulluq və abadlıqla bağlı iməcliklər davam etdiriləcək.
qafqazinfo.az