"Real" (Madrid) klubunun hücumçusu Kriştianu Ronaldo daha bir rekorda imza atıb.
Portuqaliyalı futbolçu "El Klassiko" tarixinə düşüb.
La Liqanın sonuncu turu çərçivəsində səfərdə "Barselona" ilə görüşdə 2 qola imza atan Ronaldo ardıcıl 6 "El Klassiko"da fərqlənən ilk oyunçu olub.
27 yaşlı futbolçu son 6 "El Klassiko"da fərqlənməklə "Real"ın sabiq futbolçusu İvan Zamoranonu geridə qoyub. 1992-1996 illərdə "Real"ın şərəfini qorumuş Zamorano ardıcıl 5 "El Klassiko"da rəqib qapıya yol tapmışdı.
Qeyd edək ki, "Barselona" - "Real" oyunu 2:2 hesabı ilə başa çatmışdı.
"Barselona" klubunun argentinalı futbolçusu Lionel Messi "Nou Kamp" stadionunda vurduğu qolların sayına görə rekordçu olub. Anspress-in məlumatına görə, Messi "Barselona"nın tarixində "Nou Kamp" stadionunda 100 qol həddini aşan ilk futbolçu olub.
Lionel Messi İspaniya çempionatının son turunda "Real"a qarşı keçirilən və 2-2 hesabı ilə bitən matçda 100-cü qoluna imza atıb. Bundan başqa, Lionel Messi "Real"la qarşılaşmada 2 qol vuraraq "El-Klassiko"da 17 qola imza atmış olub.
Lionel Messi "Barselona"-"Real" matçında daha bir qola imza atmaqla əfsanəvi Alfredo Di Stefanonun rekordunu yeniləmiş olacaq.
Milli.Az