Bakıda IX Beynəlxalq Rostropoviç Festivalı keçiriləcək.
Mədəniyyət və Turizm Nazirliyindən verilən məlumata görə, Azərbaycan Prezidentinin “Mstislav Rostropoviçin 90 illik yubileyinin keçirilməsi haqqında” 10 fevral 2017-ci il tarixli sərəncamının icrasını təmin etmək məqsədilə 2017-ci il 23-27 aprel tarixində Heydər Əliyev Fondu, Mstislav Rostropoviç Fondu və Mədəniyyət və Turizm Nazirliyinin təşkilatçılığı ilə Bakıda IX Beynəlxalq Rostropoviç Festivalı keçiriləcək.
Festivalda xarici ölkələrdən dünya şöhrətli musiqiçi və kollektivlər - Rusiyanın Əməkdar Kollektivi Sankt-Peterburq Akademik Simfonik Orkestri, “Vyana-Berlin” Kamera Orkestri, “Drezden Ştaatskapella”, SSRİ Xalq artisti Yuri Temirkanov və başqaları iştirak edəcəklər.
Proqram:
Azərbaycan Dövlət Filarmoniyası, Saat 19:00
23 aprel – Festivalın açılışı, Ü.Hacıbəyli adına Azərbaycan Dövlət Simfonik Orkestrinin konserti
24 aprel – “Vyana-Berlin” Kamera Orkestrinin konserti (videoçəkilişə tədbirin yalnız ilk 10 dəqiqəsində icazə veriləcək, fotoçəkiliş isə qadağandır)
25 aprel – “Drezden Ştaatskapella”nın konserti (videoçəkilişə tədbirin yalnız ilk 10 dəqiqəsində icazə veriləcək, fotoçəkiliş isə qadağandır)
Heydər Əliyev Sarayı, Saat 19:00
26 aprel – Rusiyanın Əməkdar Kollektivi Sankt-Peterburq Akademik Simfonik Orkestrinin konserti
27 aprel – Festivalın təntənəli bağlanışı. Rusiyanın Əməkdar Kollektivi Sankt-Peterburq Akademik Simfonik Orkestrinin konserti
trend.az