Bu gün axşam saatlarında azərbaycanlı zəvvarların ilk qrupu müqəddəs Həcc ziyarətinə yola düşəcək.
Qafqaz Müsəlmanları İdarəsinin mətbuat xidmətinin rəhbəri Rəhimə Dadaşovanın verdiyi məlumata görə, zəvvarlarımız Bakı-Ciddə marşrutu ilə yola salınacaqlar:
“Bakıdan zəvvarların ilk reysi axşam saat 9 radələrində yola salınacaq”.
Qeyd edək ki, zəvvarların son qrupu ayın 18-də müqəddəs ziyarətə yola düşəcək.
Zəvvarların Həcc ziyarətinə yola salınması üçün ümumilikdə 14 təyyarə reysi ayrılıb. Ziyarət 20 gün davam edəcək. Həcc ziyarəti başa çatdıqdan sonra zəvvarlar 5-12 noyabr tarixlərində Mədinə-Bakı marşrutu üzrə vətənə dönəcəklər.
Ümumilikdə bu il Azərbaycandan Həcc ziyarətinə kvotaya uyğun olaraq 2600 yer ayrılıb.
Gün.Az