Azərbaycan Milli İncəsənət Muzeyində azyaşlı istedadların sərgisi açılıb. Sərgidə Alyona Bandurinanın Rəssamlıq Məktəbi şagirdlərinin qrafika, rəngkarlıq, şüşə üzərində rəsmlər və gəlinciklərdən ibarət işləri nümayiş olunub.
Sərginin açılışında çıxış edən Alyona Bandurina Azərbaycanda çoxsaylı istedadlı uşaqların olmasından qürur duyduğunu dilə gətirib. Bildirib ki, rəhbərlik etdiyi Rəssamlıq Məktəbi 2010-cu ildə yaradılıb. Məktəbin yetirmələri arasında Rusiya, Gürcüstan, ABŞ, Peru, Kolumbiya, Qazaxıstan və digər ölkələrin vətəndaşları var. Məktəbin məzunları təhsillərini incəsənət üzrə aparıcı təhsil ocaqlarında davam etdirirlər.
Sərgi iyunun 15-dək davam edəcək.
azertag.az