Qoç - Bu gün ətrafınızdakı insanların ən kiçik səhvlərini, cüzi yanlışlıqlarını görür, öz səhvlərinizə isə fikir vermir, istənilən tənqidi çox sərt qəbul edirsiniz. Ona görə bu gün sizinlə dil tapmaq asan olmayacaq.
Dostlarınız, tanışlarınız və yaxınlarınızın sizdən bir qədər kənarda durmaq istəklərinə təəccüblənməyin. Ən yaxın insanlarla münasibətlərdə dəyişikliklər ola bilər.
Daha müstəqil, amma daha tənha olacaqsınız.
Yaxınlarınızın maraqları və rifahı barədə düşünməyə başlasanız, kompromisslərin axtarışı ilə məşğul olsanız, situasiyanı dəyişə bilərsiniz. Səhvlərinizdən nəticə çıxardın.

Buğa - Bu gün daxili təbəddülat və ziddiyyətlər güclü olduğundan sakitliyi qorumaq çətin olacaq. Özünüzdən, ətrafınızdan və ümumiyyətlə, həyatdan narazılıq sizi düşünülməmiş addımlara vadar edə bilər. Belə addımlar isə sərt tənqidlərə səbəb ola bilər.
Bu gün emosiyaların əsiri olmayın. Situasiyanı təhlil edin və o zaman anlayacaqsınız ki, hər şey göründüyü qədər pis deyil.
Günün ilk yarısı ilə müqayisədə, ikinci yarı daha maraqlı və məhsuldar olacaq. İşlərlə fəal məşğul olun, yaxınlarınıza yardım edin. Bir yerdə oturmayın, enerjini müsbət məcraya yönəldin.

Əkizlər - Bu gün uğur siz tərəfdədir. Hissiyyatınız sizi aldatmayacaq. Həqiqətən də, qarşınıza doğru və düzgün məqsəd qoysanız, ətrafınızdakı insanların sizə təzyiq etmələrinə imkan verməsiniz, pis olmayan nəticələrə nail ola bilərsiniz.
Düşüncə müstəqilliyi və mövqe orijinallığı danışıqlarda faydalı ola bilər.
Gün emosional yüksəlişlə bağlıdır. Sizi gözləyən çoxsaylı görüşlər və müzakirələr yaxşı nəticə verəcək. Həyatla bağlı baxışlarınızı bölüşəcək insanlar tapacaq, onlarla birlikdə ümumi işin qulpundan yapışacaqsınız. Ümumi maraqlar yeni tanışlığın bünövrəsi ola bilər.
Axşam saatlarında ifrat istirahətə varmayın. Fikrinizi dağıtmayın.

Xərçəng - Bu gün bəd xəbərlər almaq, xoşagəlməz hadisələrlə üzləşmək şansınız az deyil. Problemləri əzmlə qarşılayın, qəlbinizdə pərişanlığın kök salmasına imkan verməyin.
Çətinliklər çox davam etməyəcək.
Fəal və əzmli olsanız, qısa müddətdə situasiyanı dəyişə bilərsiniz. İlk növbədə özünüzə güvənin. Əfsuslar olsun ki, bu gün konstruktiv dialoq ehtimalı çox azdır. Yaxın ətrafınızdakı adamlara nə istədiyinizi başa sala bilməyəcəksiniz. Emosional durumunuza fikir verin, pərişanlıq və ruh düşkünlüyünün gün ərzində davam etməsinə imkan verməyin.
Axşam saatlarına yaxın fikrinizi başqa işlərə yönəldin. Mətin, qətiyyətli olun.

Şir - Bu gün həyata müsbət, pozitiv və düzgün münasibət bəsləyin. Bu gün yaşamınızda köklü dəyişikliklərin olacağını deyə bilmərik. Hadisələr öz məcrasında inkişaf edir, amma siz sevinirsiniz. Nikbin olun, əsla ruhdan düşməyin.
Bu gün üzləşəcəyiniz problemlər, mənfi emosiyalar sizi pərişan etməyəcək. Tam əksinə, özünüzə ürək-dirək verməklə yanaşı, yanınızdakı insanları da ruhlandıracaqsınız.
İşlərlə fəal məşğul olun, tək qalmayın. Ətrafınızdakı insanlara təşəbbüs göstərməyə imkan və şans verin. Əgər daim lider məziyyətlərinizi nümayiş etdirsəniz, problemlər yarana bilər. Ona görə də hər şeydə məntiqi həddi gözləyin.

Qız - Bu gün çox çalışmayın, bir qədər istirahət etməyə cəhd göstərin. Lakin istirahət bütün işləri bir kənara ataraq əylənmək deyil. Ekstravaqant hərəkətlər və davranışlara yol verməyin. Əvvəllər gizlətməyə çalışdığınız məziyyətlərinizi bu gün aşkarlamayın.
Davranışınızdan bəziləri çəkinəcək, bəzilərində isə hərəkətləriniz maraq yaradacaq.
Sizə yaxın insanlarla münasibətlərdə anlaşılmazlıqlar yarana bilər. Birgə iş bu gün sizinçün çətin olacaq. Hətta ən sadə işlərdə çətinlik çəkəcəksiniz. Lakin həmin işləri təkbaşına görsəniz, problemləri tezliklə həll edə biləcəksiniz.

Tərəzi - İşdə məqsədlərinizə çatmaq üçün günün ilk yarısından tam istifadə edin. Bu saatlar əlverişli və asandır. Uğur və qələbə sizin ola bilər. Yaxın ətrafınızdakı insanlarla münaqişə yaratmayın. Belə olarsa, işiniz asanlaşar, bir sıra faydalı və sərfəli nəticələr əldə edə bilərsiniz.
Günün ikindi saatları peşə və şəxsi həyat ilə bağlı müzakirələr üçün yararlıdır.
Əfsuslar olsun ki, gün ərzində xoşagəlməz təmayüllərin təsiri də hiss olunacaq. Bu təsir günün ikinci yarısında xüsusilə güclü olacaq. Yanınızdakı insanlara mövqeyinizi çatdırmaqda çətinlik çəkəcəksiniz. Ən cüzi, xırda məsələlərə görə mübahisələr yaranacaq. Yaradıcı layihələr üçün əlverişli gün deyil.

Əqrəb - Düşünməyə bir an da imkan verməyən hadisələr burulğanı yaranacaq. Hissiyyatınıza və biliklərinizə güvənin. Narahat olmayın, problemləri həll edə biləcəksiniz. Ətrafınızdakı insanlar üçün nə qədər çox çalışsanız, əhvalınız bir o qədər yaxşı olacaq. Qüssə və qəmi yaxın qoymayın. Zəhmət, iş sizi bədbin fikirlərdən yayındıracaq.
Bəzi çətinliklərə rəğmən, işlə bağlı məsələlərdə irəliləyişlərə nail olacaqsınız. Sərfəli anlaşma əldə edilməsi və ya maraqlı, düşərli təklifin alınması mümkündür.

Oxatan - Gün üçün müsbət ab-hava və təmayüllər səciyyəvidir. Ünsiyyətdə mehriban və səmimi olun. Səhər saatlarında emosiyalarınızın əsirinə çevrilməyin. Baş verən hadisələr sizi qıcıqlandıracaq. Həmişəkindən daha artıq tələbkar olacaqsınız. Buna görə də mühüm məsələlərin həllini günün ikinci yarısına saxlayın.
Mübahisə etmək istəmədiyiniz insanlarla axşam saatlarına yaxın vaxtlarda təmasda olun.
İkindi vaxtından sonra əhvalınız yaxşılaşacaq. Nikbinlik və sevinc hiss edəcəksiniz. Məhz bu vaxtda dostlarla əlaqə saxlayın. Axşam saatları istirahət və romantik görüş üçün əlverişlidir.

Oğlaq - Bu gün səhər saatlarından etibarən özünüzə bənzəmirsiniz. Diqqətiniz dağınıqdır. Gah bu işin, gah da o işin qulpundan yapışır, planlaşdırdığınız məsələləri unudur, kiçik və xırda işlərin içində "itib-batırsınız". Xoşagəlməz xəbərin alınması mümkündür. Lakin həmin xəbərin yanlış informasiya olması istisna edilmir.
Axşam saatlarını sakit istirahətə həsr edin, canınıza cəfa verməyin. Özünüzün və ətrafınızdakı insanlar qarşısında hədsiz tələblər qoymayın. Alış-veriş günü deyil. Bu gün mənasız xərclər ehtimalı böyükdür.

Dolça - Əhəmiyyətli, önəmli və mühüm gündür. Bu gün nüfuzlu insanların diqqət mərkəzində olacaqsınız. Başladığınız hər işi ən yaxşı formada bitirin. Hətta ən kiçik səhv belə, sonradan ciddi problemlər yarada bilər.
Özlərini yaxşı tanıtmış insanlarla məhsuldar əməkdaşlıq başlaya bilər. Səhər saatlarından etibarən qaraqabaq olduğunuzdan qeyri-ciddi insanlar sizinlə ünsiyyətə can atmayacaqlar. Əgər kimsə ürəyinizdəki buzu əridə bilsə - həmin adamla yaxın əlaqələr quracaqsınız.

Balıqlar - Bu gün problemlərdən sığortalana bilməyəcəksiniz. Yaxın ətrafınızdakı insanlar barədə düşünün, onların fikirlərinə qulaq asın, nə istədiklərini anlamağa çalışın. Bu insanların mövqelərini bölüşməsəniz də, istəklərini başa düşməyə can atın. Yalnız özünüzü düşünsəniz, cavabları sizin üçün çox maraqlı olan sualları təhlil etməsəniz, irəliləyə bilməyəcəksiniz.
İşgüzar təmaslar, işlə bağlı məsələlərin aktiv müzakirəsi məsləhət deyil.
Yaxşı bacardığınız işlərlə məşğul olun, eksperimentlər planlaşdırmayın. Gün nə qədər sakit keçərsə, sizin üçün bir o qədər yaxşıdır. Axşam saatlarını evdə keçirin. Ev şəraitində sakit istirahət qüvvənizi bərpa edər.

Milli.Az