Qoç - bu gün uğura daha asanlıqla nail ola bilərsiniz. Kimsə sizə mane olmayacaq, planlarınızın gerçəkləşməsinə aparan yolda sədlər qurmayacaq.

Əgər gərəkli işləri vaxtında başa vurmağa səy göstərməsəiniz, hər şey köklü şəkildə dəyişməyəcək. Problemləri həll etmək üçün çeşidli çıxış yollarını sınaqdan keçirin. Elementar ehtiyatı əldən verməyin.

Təmkinli davransanız xoşagəlməz situasiyalar sizdən yan keçər.
Günün ikinci yarısında impulsiv, emosiyalı, aqressiv olmayın. Tanımadığınız insanlarla münaqişələrdən qaçın.

Qaranlıq düşəndən sonra gəzintiyə çıxmayın.

Buğa - bu gün yaşam potensialınız aşağıdır. Günün ikinci yarısında səhhətinizdə problemlər yarana bilər. Uzun səfərlər və səyahətlər məsləhət deyil. Evdən uzaq olmayın. Dostları qonaq çağırmaq olar. Onlar əhvalınızı yüksəldər, xoş xəbərlər verərlər.

İş yoldaşları, tərəfdarlar və həmkarlarınızla rəvan münasibətlərdə olun. Yeni və sərfəli tanışlıqlar yaradın.

Pulla ehtiyatlı olun. Maliyyə itkiləri ola bilər.

Əkizlər - bu gün gərgin keçəcək, ehtyiatlı olun. Kiçik travmalar, səhhətdə problemlər mümkündür. Hətta ən xırda işlərdə belə, qanunu pozmayın. Əks təqdirdə, nəticələr ciddi rola bilər.

Xəyallarınızı gerçək kimi qələmə verib illüziyaların əsiri olmayın, özünüzü aldatmayın. Məntiqli, soyuqqanlı, bələd olmağınız hər şeyə bir qədər şübhəli olun.

Dostların yanında özünüzü rahat, asudə hiss edəcəksiniz. Üstəlik, onların məsləhətiləri sizə bəzi səhvlərə yol verməməyə şərait yaradacaq. Nüfuzunuzu qoruyun. Bu gün bədxahlar sizə zərbə vurmağa çalışa bilərlər.

Xərçəng - təhtəlşüur və hissiyatınıza güvənin. İçgücünüz bu gün sizə yol göstərə bilər. Əvvəlki dövrlərdən fərqli olaraq bu gün başqalarına, onların emosiya və hisslərinə laqeyd olmayacaqsınız. Ona görə də ünsiyyət üçün xoşniyyət, şən, ağıllı insanları seçin.

Günün emosional fonu stabil deyil. Yarana biləcək problemlər başqaları ilə yanaşı, sizə də başağrısı verə bilər. Tənqidə sərt reaksiya verməyin, kobudluq göstərməyin.

Ailə işləri, məişət qayğıları sizin xilaskarınız ola bilər.

Şir - bu gün sakit keçəcək. Dincəlmək, təhlillər, intellektual məşğuliyyətlər məsləhətlidir. Maliyyə məsələlərini stabil saxlayın, böyük xərclərə yol verməyin. Bahalı əşyalar ala bilərsiniz, amma bir şərtlə ki, həmin əşyaların yüksək keyfiyyətinə əsla şübhəniz olmasın.

Laqeyd olmadığınız insanla münasibətləriniz daha da dərinləşəcək. Səmimi olun. O insana nigarançılığınız, narahatlığınız, gələcəklə bağlı planlarınızdan danışın.

Günün ikinci yarısında işlə bağlı maraqlı təklif ala bilərsiniz.

Qız - yaxın insanlarla münasibətlər istədiyiniz təki asan və birmənalı deyil. Anlaşılmazlıqlar, umu-küsü, aydın olmayan məsələlər ola bilər. Kölgədə qalan məsələlər az sonra heç şübhəsiz ki, üzə çıxacaq.

Çox istədiyiniz insanla mübahisə etməyin. Haqlı olduğunuzu sübut etməyə çalışaraq əziz insanın hisslərini unutmayın.

Mürəkkəb məsələ və ya dolaşıq problemi çözmək üçün yardım istəməyin, təkbaşına çalışın. Situasiyanı təhlil edin, düzgün nəticə üçün hər şeyi yerbəyer etməyə can atın.

Tərəzi - romantik münasibətlər üçün çox əlverişli gündür. Sevdiyiniz insanla asanlıqla dil tapacaqsınız. Tənhasınızsa, sonradan həyatınızda mühüm rol oynayacaq insanla tanış olacaqsınız.

Ailə üzvləri ilə səmimi olun, uşaqlar və valideynləri sevindirməyə çalışın.
Qeyri-adi görüş, toy və ya ziyafətə dəvət alınması mümkündür.

Diqqət mərkəzində olmağa çalışacaqsınız.
Öz qüvvənizə əminliyiniz artacaq.

Əqrəb - uşaqlar və azyaşlı qohumlarla münasibətləri bu gün rəvan saxlamaq asan olmayacaq. Amma yaşlı insanlarla asanlıqla dil tapacaqsınız.

Dövlət qurumlarına baş çəkə bilərsiniz. Məmurlarla münasibətlərdə səbrli olun.
Günün ikinci yarısında istirahət edin.

Maraqlı tanışlıqlar istisna deyil.
Romantik münasibətlərdə ehtiyatlı olun. Belə münasibətlər yaranarsa, onların harmonik inkişafı mümkün deyil.

Eqoist, təşəxxüslü, yalnız özünü düşünən, məkrli insanın toruna düşə bilərsiniz. Onun rəğbətini qazanmaq üçün izafi səylər göstərməkdən əl çəkin.

Oxatan - alış-veriş, kommersiya və biznes fəaliyyəti, anlaşmalar imzalamaq üçün əlverişli gündür. Situasiyanı çox yaxşı hiss etməyə, doğru qərarlar qəbul etməyə çalışın. Düşünmək, götür-qoy etmək üçün az vaxt qalsa da, yanılmayın. Vaxtınızı boş-bekar keçirməyin. Bekarçılıq çox pis nəticə verə bilər.

Görüşlər və danışıqlar üçün əla gündür. Bu gün dediklərinizə qulaq asacaq, sizi anlamağa çalışacaqlar.

Səfərlər və gəzinti üçün əlverişli gündür.

Oğlaq - səfərlər, səyahət, gəzintilər üçün o qədər də əlverişli gün deyil. Səhər saatlarından etibarın yalnız iş barədə, çoxdan bəri həll etmədiyiniz problem haqqında düşünün.

Cidanı çuvalda gizlətmək mümkün olmadığı kimi, problemlərdən qaçmaq da onların həlli deyil.
Günün ikinci yarısında zəifləmək və tempi aşağı salmaq əvəzinə, daha da aktiv olmayın.
Nahar saatlarında çox yeməyin, ac da qalmayın. Unutmayın - iş yerində nahar uzun-uzadı söhbətlər üçün deyil.

Telefonunuza naməlum nömrədən gələn zənglərə cavab verməyin.
Axşam saatlarında evə tələsin. Dostlarla vaxti keçirməy istəsəniz, gec qalmayın.

Dolça - bu gün o qədər istək və arzularınız var ki, onları yerinə yetirmək çətin, bəlkə də mümkünsüzdür. Lakin bir qədər fikirləşsəniz, bəzi planları reallaşdıra bilərsiniz. Unutmayın ki, hədəfə gedən yol düşündüyünüzdən də qısa və sadədir. Sadəcə, buna inanmaq və ilk addımları atmaq gərəkdir.

Pullarla çox ehtiyatlı olun. Bu gün kredit götürmək, habelə başqasının əşyasını götürmək olmaz.
Gün sənədləşdirmə, hüquqi məsələlərin həlli üçün əlverişlidir.

Balıqlar - maliyyə və ya əmlak məsələlərinin müzakirəsi, çözülməsi üçün əlverişli gündür. Sizi aldatmaq çətin olacaq. Aldığınız istənilən informasiyanı, xəbəri, məlumatı yoxlamaq istəyirsiniz və düz də edirisiniz.

Görüşlər, o cümlədən planlaşdırılmamış təmaslar mümkündür. Cəmiyyətdə və ya çalışdığınız sahədə yüksək mövqe tutan insanla bir araya gələ bilərsiniz.

Bu gün ciddi, işgüzar olun. İstirahət və əyləncəyə ayırmalı vaxtınızın olmadığını blin.
Dostların əyləncə təkliflərini rədd etməyin, amma qəbul da etməyin.

Əyləncə bu gün sizin üçün problemlər yarada bilər.

Milli.Az