Qoç - Səhər saatlarında günə aktiv başlayın, vaxtınızı boş keçirməyin. İşə və ya təhsil müəssisəsinə gecikməyin. İctimai nəqliyyatda gecikmələr yarana bilər. Buna görə də evdən bir qədər tez çıxın. Yolda ehtiyatlı olun.
Saatlar keçdikcə işlərin çoxaldığını və qarşınıza qoyulan tələblərin ciddiləşdiyini anlayacaqsınız. Özünüzü zəif göstərməyin. İşi, həvalə edilən tapşırığı başa vurmamış dincəlməyin.
Sirr kimi saxladığınız informasiyadan artıq başqalarının xəbəri var, amma bunu hələ bilmirsiniz. Zərbə almamaq üçün preventiv, qabaqlayıcı tədbirlərə əl atın. Kimsə sizi üstələməməli, bədxahlar zəifliyinizə gülməməlidirlər. Bu gün sonadək mübariz olun.

Buğa - Bu gün sizi aldatmaq və ya yalanlar toruna salmaq çətin olacaq. Müstəqil olun, enerjili davranın, potensialınızı reallaşdırın. Belə üstünlüklərlə məqsədə çata bilərsiniz. Hədəfi konkret müəyyənləşdirin və ona doğru irəliləyin. Lakin ehtiyatlı olmağı da unutmayın. Yalnız anadangəlmə bacarıq və sonradan əldə etdiyiniz biliklərə güvənməyin. İmkan yaranan kimi təcrübənizi və biiklərinizi arrtırmağa çalışın.
Axşam saatlarına yaxın maraqlı təklif ala bilərsiniz.

Əkizlər - Gün ərzində ünsiyyət, xoş söhbətlər, əyləncəyə can atsanız da, hisslərinizi cilovlayın. Düzünü deyin: ciddi iş rejimi ilə son dəfə nə zaman çalışıbsınız? Yox, fikirləşməyin ki, siz işdə hamıdan çox zəhmət çəkirsiniz, rəhbərlik isə bunu görmür. Sadəcə, siz lazımi işləri görmür, lazımi adamlarla danışmır, lazımlı zaman irəliyə çıxmağa çalışmırsınız.
Bu gün sizə məsul iş tapşırıla bilər.
Günün ikinci yarısında əhvalınızın dəyişməsi istisna deyil. Əvəzində maliyyə işlərində irəliləyiş olacaq. Axşam saatlarında mənəvi dəstək alacaqsınız.

Xərçəng - Bu gün sizdən ünsiyyətlərdə diqqət, iş yerində və təhsil müəssisəsində təmkin, söhbətlərdə konkretlik tələb olunur. Yaxınlarınız və sizə əziz olan insanlara əsla yalan danışmayın. Maliyyə çətinlikləri hiss edəcəksiniz. Amma almaq istədiyiniz bahalı əşya üçün "ilkin ödənişsiz, sərfəli şərtlərlə" adlı tələli kreditə aldanmayın.
Unutmayın: istənilən kredit sizə qısamüddətli sevinc və uzunmüddətli başağrısı bəxş edir.
Günorta saatlarında mütləq nahar edin. Naharın puluna və ya vaxtına qənaət bu günlük deyil. Qazlı su içməyin, şirniyyata və ya küçədə açıq satılan təamlara aludə olmayın.
Alış-verişdə bədxərclik etməyin və pulların xərclənməsinin məntiqi yolunun paltar, telefon və ya əyləncə olduğunu düşünməyin.
Axşam saatlarında sosial şəbəkələrdə asılıb qalmayın. Mobil telefon üçün 3G nədirsə, sosial şəbəkə də bu gün sizin üçün odur: enerjinizi göz görə-gbrə tükədəcək.

Şir - Bu gün enerjili, gülərüz, orijinal olun. Səhər saatlarından etibarən başlayacaq gərgin iş qrafiki, bir-birlərini əvəzləyəcək hadisələrə hazır olmalısınız. Yardım gözləməyin, dəstəyə bel bağlamayın. Bu gün ulduzlar qətiyyətli, cəsur, özlərinə inanan insanın tərəfindədir.
Pozitiv düşüncə ilə bağlı problemləriz yaranmasın.
Əvvəl başladığınız işləri başa vurun və sədlərlə qarşılaşıb maneələri dəf etməli olsanız, ruhdan düşməyin. Sosial şəbəkələrdə mübahisələrə qatılmayın. Fikrinizi bildirin, virtual hücumlara cavab verməyin.

Qız - İndiyədək yararlanmadığınız və ya istifadə etmək istəmədiyiniz bacarıqları işə salın.
Məqsədinizə çatmaq üçün yaranmış şəraiti anlamalı, detalları götur-qoy etməli, dostlarınız, müttəfiqləriniz, tərəfdarlarınızla yanaşı, bədxahlarınızı da dəqiq müəyyənləşdirməlisiniz.
Gün ərzində nələr baş verirsə-versin - ruhdan düşməyin və əsla geri çəkilməyin. İmkan və istedadlarınızı da kimsədən gizlətməyin.
Əgər bacarıqlarınızdan hələ də tam miqyasda istifadə edə bilmirsinizsə, onların tətbiqi üçün yeni sahə və ya müstəvini müəyyənləşdirin. Şanslardan yararlansanız, yaxşı gəlir və ya nəticə əldə edə bilərsiniz.

Tərəzi - Bu günə başlarkən Jamal-ın ifasında "Pull Up"ı dinləsəniz, yaşanacaq saatların nəbzini tutmaq üçün gərəkən işlərin aktivliyini anlaya bilərsiniz. Gün ərzində əlaqələrin yaradılması, özünü reklamla məşğul olun. Tanıdın özünüzü: axı bunu sizdən başqa kimsə edəsi deyil.
Bu gün real aləmlə müqayisədə virtual aləmdə daha çox vaxt keçirəcəyiniz istisna deyil.
Sayt və ya bloqa ifrat vaxt ayırmayın. Şəxsi həyatınızdakı münasibətləri normal inkişaf etdirmək üçün təmaslarınıza diqqət yetirin. Axşam saatlarında sizə yaxın insanların səbr kasasının dərinliyini, onun nə zaman daşacağını sınaqdan keçirmək fikrinə düşməyin.

Əqrəb - Bu gün tənhalıq, qəm və qüssədən kənar durun. Adamayovuşmaz olsanız belə, yaxın saydığınız insanlarla ünsiyyətdə olun. İşdə rəhbərliyin rəğbətini qazanmaq üçün hamı kimi olmayın, irəliyə çıxın, başqalarının bacarmadığı işi edəcəyini deyin və buna inanın.
Səy və qətiyyətinizdə nə qədər dönməz olsanız, işdə bir o qədər irəliləyə bilərsiniz.
Dostları unutmayın, heç olmasa bir dəfə onlarla maraqlanın. Axşam saatlarında davranışınızın ilkin nəticələrini görəcəksiniz.
Romantik musiqiyə pərəstişi də unudun: belə musiqi sizlik deyil. Ritmik musiqi dinləyin ki, sakitlik və rutinlik aurasından çıxa biləsiniz. Məsələn, bugünkü musiqiniz "Buraka Som Sistema Feat Pongolove"un ifasında "Kalemba" ola bilər.

Oxatan - Bu gün təcrübə, bacarıq və biliklərin artırılması üçün əlverişlidir. Vasitəçilər, maklerlər, tələbələr, həkimlər, jurnalistlər və ticarətlə məşğul olan şəxslər bu gün uğurun həzzini alacaqlar.
Gəzintiyə çıxanlar və tələbələr üçün gün pis başlamayacaq. Yumor, orijinallıq, hazırcavablıq, estetik gözəlliyi dəyərləndirmək bacarığına malik olsanız, irəliləyişiniz daha sürətli alınar.
Axşam saatlarını romantik şəraitdə keçirin. Çoxdan bəri söyləmək istədiklərinizi sevdiyiniz adama deyin. Çəkinməyin - qorxaqları kimsə sevməz.

Oğlaq - Səhər saatlarından qıvraq, gümrah olun, gülümsəyin. Pis və pərişan görünmək uğurlarınız, bacarıqlarınız və imkanlarınız üçün çox pis reklam olacaq.
Kiçik soyuqdəymə və zökəmi problem etməyin. Sanqvinik və xoleriklər aktiv, melanxolik insanlar isə bir qədər astagəl olmalıdırlar.
Bu gün qeyri-standart insanlar, şən adamlarla daha çox ünsiyyətdə olun. Problemləri özünüzə yük etməyin. Gün ərzində Facebook sizi güldürəcək, amma axşam saatlarında düşünməyə və qəmlənməyə vadar edəcək.

Dolça - Bu gün sizi axtaran, danışmaq istəyən, təmaslar qurmaq fikrinə düşən adamlara laqeyd olmayın. Belə adamlarla təmaslar sizi gümrah və fəal saxlayacaq, ümidsizliyə qapılmağa qoymayacaq.
Səhər saatlarında problemlərin ilkin işartıları yaransa da, onlar az sonra yoxa çıxacaq. Sevimli insan, potensial müştərilər, dostlarla əlaqələr, onlarla söhbətlər üçün əlverişli zamandır. Çətin vəziyyətə düşə bilərsiniz. Lakin sadiq dostlar köməyinizə çatacaqlar.
Problemlərdən çəkinməyin, onları həll etməyə üstünlük verin.

Balıqlar - Bu gün sizin üçün pozitiv və kreativ olacaq. Qayğılar və problemləri özünüzə dərd etməyin. Sənədlərlə iş üçün pis gün olmasa da, darıxdırıcı kağızları və faylları saatlarla təhlil etməyin, təfərrüatlı və təfsilatlı hesablamalarla məşğul olmayın.
Yazışma, danışıqlar, xəbərlərin göndərilməsi, təkliflərin hazırlanmasına üstünlük verin.
İşdə əylənməyə yox, çalışmağa üstünlük verin. Günün ikinci yarısında səhhətinizdə kiçik problemlər yarana bilər.
Valideynsinizsə, uşağınızı və ya uşaqlarınızı müalicə edən, onlara dərs deyən adamlarla danışın.

Milli.Az