Qoç - həyat tərziniz, yaşam stiliniz və fəaliyyətinizin tipini bu gün köklü şəkildə dəyişə bilərsiniz. Amma unutmayın ki, belə dəyişikliklər ətrafdakı insanları şoka sala bilər.

Standart, rutin olmayan işlərdən bezərək qeyri-adi plan fikirləşə bilərsiniz və onu dərhal həyata keçirməyə can atacaqsınız. Lakin unutmayın ki ötənlərdəki əməllərinizin nəticələrindən ibarət maneələrlə qarşılaşa bilərsiniz.

Romantik münasibətlər və görüş üçün əlverişli gün deyil.

İş axtaranlar bu gün bəxtlərini sınaya bilərlər. Bilin ki, sizə verilən vədləri yoxlamağa imkanınız olmayacaq. Savad və biliklərinizin hansı səviyyədə olduğu bu gün bilinəcək.

Telefonun ekranında Facebook statuslarını oxumaqdan bezsəniz, real həyatın nə qədər gözəl olduğunu anlayacaqsınız.

Buğa - iş axtaranlar elanlara və dostların məsləhətlərinə inanmasınlar. İşi özünüz tapın. İş yeri və imkanı olanlar isə səhər saatlarını qənimət bilərək günortaya qədər maksimum məhsuldarlıqla çalışsalar, pis olmaz. İşgüzar olun, təsadüfi maneələr və ya bədxahlarınızın eyhamlarına, yalnız uğursuzluğunuzu istəyən şəxslərin atmacalarına aldanmayın, belə sözlərə sinirlənməyin.

Dostunuzun yeni planı və ya rəqibinizin qəribə davranışı sizi təəccübləndirə bilər. Narahat olmayın, bütün bunlar yaxşılığa doğru dəyişikliklərdir.

Ətrafınızdakı bəzi insanlar özləri də anlamadan və bilmədən sizin xeyrinizə "çalışırlar". Onları sakitcə izləyin, müşahidələrinizdən nəticə çıxarın.

Əkizlər - emosiyalarınıza hakim olun. İnstinkt və təbii ehtiyaclarınızı sərt nəzarətdə saxlayın.
Bu gün əsl strateq olmalı, iki addım qabağa baxmalı bacarmalısınız.

Dəyər verdiyiniz insanla əlaqələri möhkəmləndirmək istəyirsinizsə, aktiv olun.
Bədxərclik, hərdəmxəyallıq, tənbəllik vaxtı deyil.

Maddi çətinlik və ya maliyyə problemləriniz olmasa belə, xərclərinizi azaldın.
Başqalarından maliyyə asılılığına düşməmək üçün əlinizdən gələni edin.

Xərçəng - sevdiyiniz insana olan hissslərinizi bu gün təzahür etdirməyin, təvazökar olun.
Yaxşı tanımadığınız insanlarla münasibətlərdə sərvaxt olun.

Dostlar və yaxın insanlarla söhbət zamanı onların demək istəmədiklərini mütləq, nəyin bahasına olursa-olsun, öyrənməyə çalışmayın.

Dəyər verdiyiniz insan barədə acı həqiqəti ona dərhal söyləməyin.
Əks təqdirdə, ən yaxşı halda soyuqluq və laqeydliklə qarşılaşacaqsınız.
Hisslərinizin qayğısına qalın.

Günün ikinci yarısında aktiv olun.
Axşam saatlarında istirahətin formasını seçin.

Bu gün evinizdəki xanımlar arasında qəflətən mübahisə və fikir ayrılığı yarana bilər.

Şir - bu günün qayğıları və işləri sizə müəyyən mənada xoş gələ bilər. Lakin istənilən halda iş istirahət deyil və ola da bilməz.

Kişilər xanımları, anaları və ya sevgililərin istəklərini mütləq nəzərə alaraq, bu istəklərin heç olmasa birini yerinə yetirməlidirlər.

Xanımlar isə kişiləri anlamağa çalışmalıdırlar.
Xanımlar üçün dərisinin təmizlənməsi üçün əlverişli gündür. Lakin ehtiyatlı olun, qədərindən artıq səy göstərməyin.

Kişilər qadınlarla ünsiyyət zamanı ağıllı və təmkinli olmalıdır.

Qız - gün ərzində fəal çalışıb, sonra dincələ bilərsiniz. Amma əyləncə hisslərinə və istəklərinə qapılmayın.

İnsanların çox olduğu yerlərdə vaxt keçirmək fikrinə düşməyin.
Şəxsi həyatda təmkinli, ağıllı və müdrik davranın.

Maliyyə imkanlarını olduğundan artıq dəyərləndirib bədxərclik etməyə, özünüzü pula pul deməyən adam kimi göstərməyin.

Perfeksionist olmayın, ətrafınızdakı insanlardan və yaxınlarınızdan ideal səviyyə tələb etməyin.
Ailə üzvlərinin dediklərinə qulaq asın.

Tərəzi - bu gün gözütox, təmkinli, dəqiq, amma sürətli olun. Tələsməyin, eyni zamanda hadisələrin axarından da geri qalmayın. Heç nəyi absurd səviyyəsinə çatdırmayın.

Qidalanmada ifrata varmayın və eyni zamanda özünüzü sərt pəhrizlə könüllü işgəncələrə məhkum etməyin.
Geyimdə ciddi klassik stili seçə bilərsiniz, amma reallıq budur ki, nəyiniz varsa, onu da geyinirsiniz.

Bu gün ilk görüş, mühüm danışıqlar, önəmli adamlarla müzakirələr üçün deyil.
Ailə münasibətlərində qəfil problemlərin yaranması və məişət qayğılarının böyüyərək maneəyə çevrilməsi mümkündür.

Baş verənlərə çox qısa zamanda uyğunlaşmaq çətin ola bilər.

Əqrəb - səhər saatlarında günlə bağlı dəqiq fəaliyyət planını müəyyənləşdirin, çoxdan bəri görməli olduğunuz işləri yerinə yetirməyə başlayın. Tənbəllik etməyin və fəaliyyətsizliyinizə də heç bir bəhanə uydurub özünüzü aldatmağa çalşımayın.

Bu gün önəmli ola bilər, çünki irəliləməyə başlasanız, geriyə yol olmayacaq. Çox tələsik, düşünülməmiş addımlar atmayın.
İşdə və evdə bir qədər narahatlıq hissləri yarana bilər.

İş yoldaşları ilə münasibətlərdə səmimi, gülərüz olun. İnsanlara onlar barədə həqiqətləri tam deməyin.

Axşam saatlarını istirahətə həsr edin.
Sosial şəbəkələrdə vaxt qatili olmayın.

Oxatan - bu gün maliyyə vəsaitinizi qənaətlə xərcləyin. Səhər saatlarından etibarən aktiv olun, tənbəllik etməyin, qarşınıza qoyduğunuz məqsədlərə çatmaq üçün hər şeyi edin. Standart qaydaları və davranış modellərini unudun, hadisələri öz bildiyiniz təki interpretasiya edin.

Hədiyyə, işdə rəhbərliyə müraciət və alış-veriş üçün əlverişli gün deyil.
Dostlar və yaxınlarla münasibətlərdə zahiri formaya aldanıb batini unutmayın.
Səmimiyyət və orijinallığı dəyərləndirin.

Ailə üzvlərinizin kiçik tənqidlərindən inciməyin, mübahisələrə başlamayın.

Oğlaq - həyatınızda köklü dəyişikliklər etmək istəyirsinizsə, bu gün əlverişli zamandır. İslahatlar, yerdəyişmələr edin, yeni həyata ilk addımlar atın. Amma hər şey ifrat dərəcədə sərt və sürətli olmasın. Əks təqdirdə pərişan qala bilərsiniz.

Romantik görüş və ya münasibətlər üçün yararlı gün deyil.
Özünüzə yeni stil yaratmağa çalışın.

Evdə və ya işdə nəyisə dəyişmək fikrinə düşsəniz, ehtiyatlı olun, düşünülmüş qərarlar verin.
Hərgah ailənizdəki "inqilab" sizin iştirakınız və xəbəriniz olmadan baş veribsə, tələsik açıqlamalar və sərt tənqidə yol verməyin.

Travma və stresslər təhlükəsi var.

Dolça - bu gün hiss və emosiyalarınızı cilovlayın. Pərişanlıq və ya qəzəbinizi aşkarlamayın. Ev işlərində, ailə münasibətlərində qısamüddətli problemlər yarana bilər. Ümumiyyətlə, şəxsi həyat müstəvisində bu gün rahatlıq yoxdur.

Sevdiyiniz insanla təmaslarda qısamüddətli sərinlik yarana bilər.
Səmimiyyəti və istəkləri öldürən, sizi nələrəsə vadar edən tapşırıqlara üsyan etməyin.

Əks təqdirdə, işdə və ya münasibətlərinizdə ciddi problemlər yarana bilər.

Balıqlar - daşlaşmış stereotiplərdən qurtulmaq, yeni işə başlamaq, cəsarətli qərar qəbul etmək, özünüzü sınamaq üçün əlverişli gündür. Bu gün nə isə qeyri-adi iş görmək, qeyri-adi eksperimentə əl atmaq istəyə bilərsiniz. Lakin ifrata varmayın, planlarınızı sonadək götür-qoy edin.

Planlaşdırılmış istirahət və ya görüşdən gözlədiyiniz nəticəni almayacaqsınız.
Sərt qərarları təxirə salın.

Şəxsi həyat, maliyyə durumu, dostlar və tanışlarla münasibətlərdə köklü dəyişikliklərə tələsməyin.

Milli.Az