Bakıda start götürən “Kitabxanalar milli mədəniyyətin dirçəliş
resursudur” mövzusunda Beynəlxalq konfrans çərçivəsində “Dağıdılmış
sərvətlər, məhv edilmiş kitabxanalar” adlı bukletin təqdimatı keçirilib.
Mədəniyyət və Turizm Nazirliyi tərəfindən nəşr edilən bukletin
tərtibçisi Samir Abbasov, elmi məsləhətçiləri Lətifə Məmmədova, Əli
Eyvazov, Mayıl Əhmədov, Aybəniz Əliyevadır. Nəşrdə Ermənistan Silahlı
Qüvvələri tərəfindən 1988-ci ildən başlayaraq Azərbaycana qarşı aparılan
işğalçı müharibə nəticəsində zəbt olunmuş Azərbaycan torpaqlarında
dağıdılmış və talan edilmiş kitabxanalar haqqında məlumatlar verilir.