Qoç - hisslərinizə və təhtəlşüurunuza qulaq assanız, bu gün işlərinizdə böyük uğurlara nail ola bilərsiniz. Ambisioz planlarınızı reallaşdırmaq, işdə irəliləmək imkanlarınız var.

Bədxahlarınız və rəqibləriniz sizə nə qədər tələlər qursalar da, bu xain əməlləri qətiyyətlə və uğurla dəf edəcəksiniz.

Mühüm informasiya və xəbər ala bilərsiniz. Həmin məlumat sizə şəxsi həyatınız, işdəki karyeranızla bağlı dəqiq və səhih addım atmağa, qərar verməyə kömək edəcək.

Unutmayın ki, bu gün baş verəcək ən kiçik hadisələr, ən xırda işinizin belə sonradan ciddi nəticələri olacaq.

Buğa - bu gün ətrafınızdakı insanlardan, işdəki həmkarlardan fərqli olaraq insanlarla çox asanlıqla dil tapacaqsınız. Aktual və önəmli məsələləri həll etmək üçün hadisələrin uğurlu axarından yararlanın. Birgə layihələrin reallaşmasında, müştərək işdə sizə liderlik düşəcək.
Söz yox, liderlik maraqlı olsa da, yorucudur. Fəqət, qarşınıza qoyulan işlərin öhdəsindən müvəffəqiyyətlə gələcəksiniz.

Əks cinsin mənsubları ilə təmaslar və münasibətlər normal alınacaq.

Təhtəlşüurunuzu və hissiyatınızı işə salaraq hadisələrin hasnı məcrada inkişaf edəcəyini təxminləməyə çalışın. Dostlar sizə çox yaxşı məsləhətlər verə bilərlər.

Əkizlər - gün çətin və mürəkkəb olsa da, müsbət təmayüllərin təsirlərindən yararlanın. Ehtiyatlı olun. Əsla gözləmədiyiniz halda və yerdə problemlərlə qarşılaşa bilərsiniz. Təslim olmayın, məqsədinizə çatana qədər geri çəkilməyin.

Gizli, özlərini sizə dost kimi qələmə verməyə çalışan bədxahlarınızın bəzilərinin maskalarını yırtmağa imkan verən informasiya ala bilərsiniz.

Ailədəki problemlər və ya məişət qayğılarından bəzilərinin başqalarına əyan olmasına hazır olun.
Təlaşlanmayın, bütün bunlar yaxınlarınızla münasibətlərinizə təsir etməyəcək.

Sevdiyiniz insanla bir-birinizi yaxşı anlayacaqsınız.

Xərçəng - bu gün konkret və dəqiq addımlar atın, səhvlərə yol verməyin. Günün axarı sizin baş verən hadisələrə reaksiyanız və fəallığınızdan asılı olacaq.

Çətin, çıxılmaz hesab edə biləcəyiniz situasiyalar yaransa belə, hiyləgərliyə əl atın, fəndgir olun və o problemi həll edin.

Bədxahlar və rəqiblərinizi yanlış yola yönəldin, yalan məlumatı səhih informasiyadan fərqləndirin.

Yaxın insanlar, ailə üzvləri və qohumlarla münasibətlərdə dəyişikliklər mümkündür. Önəm və dəyər verdiyiniz məqamlarla bağlı islahatlar apardığınız üçün yaşananlara başqa nəzər nöqtəsindən baxırsınız.

Şəxsi həyatla bağlı mühüm qərarlar qəbul edə bilərsiniz. Hissiyatınız sizə doğru yolu və səhih istiqaməti göstərəcək.

Şir - hazır olun, bu gün təmkin və sakitliyi qorumaq asan olmayacaq. İş baş verən hadisələrdə deyil - hər olaya sərt reaksiya verməyin. İdeyalarınızı dərhal qəbul etməyə hazır olmayan insanlar sizi qıcıqlandıra bilər. Hətta sərt münaqişələr də istisna deyil. Ona görə də təmkininizi pozmayın, emosiyaların əsri olmayın.

Rəhbərlik bu gün işinizi adekvat dəyərləndirməyəcək və yaşananlar işdə sinirli vəziyyətin yaranmasına səbəb olacaq.

Günün ikinci yarısı bir qədər sakitləşəcəksiniz. Yaxınlarınızı, sevdiyiniz insanları sevindirmək üçün hər şeyə hazırsınız. Amma belə hisslərə görə məntiqsiz xərclərə yol verməyin.

Əsas hadisələri ikinci dərəcəli olaylardan ayırın və emosiyaları nəzarətdə saxlayın. Ciddi problemlərin yaranmasının qarşısını alın.

Qız - bu gün problemlərlə qarşılaşsanız da, onları ətrafınızdakı insanlarda həsəd yaradacaq sürət və məntiqlə həll edin.

İşdə uğurlar və irəliləyiş mümkündür. Əvvəl başladığınız işləri başa vurmaq, maraqlı layihəni bitirmək şansı yaranacaq.

Yeni işlər və layihələrlə bağlı situasiya isə fərqlidir.
Asan həll tapacağınızı düşünməyin: bir qədər baş sındırmalı olacaqsınız.

Gün istənilən formada qeyri-rəsmi ünsiyyət və təmaslar üçün əlverişlidir. Köhnə dostlarla görüşmək, rəğbət bəslədiyiniz insanla bir araya gəlmək olar.

Alış-veriş üçün yararlı gündür. Çox sərfəli qiymətə nə isə ala bilərsiniz.

Tərəzi - bu gün nəyə isə nail olmaq istəyirsinizsə, təkbaşına fəaliyyətə hazır olun. Tərəfdaş bildyiniz insan sizi yarı yolda qoya bilər, şərik isə vədinə əməl etməz. Ümid və xülyalar aləmində qalmayın, realist olun, ətrafınızda cərəyan edən hadisələri sayıqlıqla dəyərləndirin.

Nüfuzlu insanlarla fikir ayrılığının yaranmasına imkan verməyin. Belə olarsa, sizə yardım edən və ya sizi dəstəkləyən adamlardan birini itirə bilərsiniz.

Yaxın bildiyiniz insanlar, dostlarla görüş, romantik təmaslar üçün əlverişli gündür.
Gözləntilərinizin əksinə olaraq, xərcləriniz bir qədər çox ola bilər. Lakin narahat olmayın, izafi bədxərclik olmayacaq.

Axşam saatlarınızda yaşam tonusunuz və potensialınızı yüksək səviyyədə saxlayın.

Əqrəb - bu gün əks cins mənsublarının sizi dəstəkləmələrinə nail olun. Həmcinslərinizlə isə ciddi rəqabət yaranacaq və bu rəqabətdə qalib gəlməyə çalışacaqsınız.

Kimsə bərabərliyə razı deyil, güzəştə getmək istəmir.
Müstəqil iş və ya həmfikirlərin kiçik qrupu ilə birgə çalışmaq üçün əlverişli gündür.

İctimai yerlərdə az olun.
İş yerində bel bağladığınız insan sizi tək qoya bilər.

Sənədləşdirmə, hüquqi və əmlak məsələlərinin həlli ilə məşğul ola bilərsiniz.

Axşam saatlarında evdə soyuqqanlı olun. Məhz belə davransanız, ailə üzvləriniz ilə kiçik mübahisələriniz alovlanaraq böyüməz.

Oxatan - bu gün özünüzə inamlı, qətiyyətli, bir qədər ötkəm olun.

Günün ilk yarısında bu məcazlar işinizə yarayacaq. Qələbənizə şübhə etmədən irəliləyin, problemləri çözün, maneələri dəf edin.
Axşam saatları yaxınlaşanda isə qüvvənizi soyuqqanlı şəkildə dəyrələndirin. Əks təqdirdə, gücünüzdən artıq yük daşımalı olacaqsınız.

Nüfuzlu insanlar və ya özünüzdən yaşlı insanlarla danışıqlar, ünsiyyət üçün yararlı gündür.

Tanınan insanla romantik münasibətlər yarana bilər.
Elçilik, nişan, toy, ad günü üçün uğurlu gündür.

Oğlaq - bu gün narahatlığınız üçün yetərincə səbəb və hadisələr olacaq. Narahat olmayın, sonda hər şey istədiyiniz kimi olacaq. Özünüzlə qürrələnmək üçün səbəblər var.

Ətrafınızdakı insanlarla münasibətlərinizi harmonik səviyyədə qurun. Dostlar və həmfikirlər arayın.
Yeni layihələriniz, biznes ideyalarınız uğurlu alına bilər.

Əfsuslar olsun ki, dostlar və qohumlarınızın bəziləri ideyalarınızla planlarınızı bölüşmür, qüvvənizə inanmır.
Yaşlı qohumlarla anlaşılmazlıq və fikir ayrılıqlarının yaranmaması üçün gərəkli anda güzəştə getməyi bacarın.

Dolça - bu gün işlərinizdə əhəmiyyətli irəliləyiş ola bilər. Əla nəticələrə nail olmaq üçün var gücünüzlə çalışmalı, zəhmət çəkməli olacaqsınız. Sonuc sizi pərişan etməyəcək.
Bu gün yeni tanışlıqlar ola bilər. Tanış olduğunuz şəxslər arasında maraqlı və sərfəli işlər görə biləcəyiniz insanların olması da istisna deyil.

Ailə üzvləri, dostlar və qohumlar bu gün sizdən razı qalacaqlar.
Alış-veriş, böyük məbləğdə nə isə almaq üçün sərfəli gündür.
Yeni ilə indidən hazırlaşmaq istəyirsiniz? Pis fikir deyil.

Balıqlar - bu günü sakit, sinirlənmədən, təbdən çıxmadan keçirməyə çalışın. Sizi qıcıqlandıra biləcək, səbr kasanızı daşdıra biləcək istənilən amillərin təsirini minimuma endirməyə cəhd göstərin.

Qüvvə və güc toplayın, həyat enerjinizi bərpa edin. Bütün bunlar yaxında sizə mühüm məqsədə çatmaq üçün gərək ola bilər.

İşgüzar və şəxsi münasibətləriniz arasında dəqiq sərhəd qoyun. İşlə bağlı fikir ayrılıqlarını şəxsi rəğbət və ya antipatiya ilə səhv salmayın.

Gün maliyyə baxımından əlverişlidir.
Soyuqqanlı və məntiqli olun, alış-verişdə izafi xərclərə yol verməyin.
Çətin situasiya yaranarsa, yaxın bildiyiniz insan köməyinizə gələcək. Ona minnətdarlıq etməyi unutmayın.

Milli.Az