Qoç - yeni tanışlıqlar, rəğbət bəslədiyiniz insanlarla ünsiyyət üçün əlverişli gündür. İlk dəfə gördüyünüz insanla asanlıqla dil tapacaqsınız.

Çətin problemləri və ilk baxışdan müşkül təsir bağışlayan məsələləri orijinal tərzdə həll etməyə çalışın. Bədxahlarınızı təəccübləndirin.
Qohumlara baş çəkmək, ailənin qayğılarını çözməyə yararlı gündür. Maliyyə və əmlak məsələlərini həll etmək olar.

Günün ikinci yarısında sərfəli anlaşma imzalamaq, yaxşı müqaviləyə nail olmaq mümkündür.
Nə zamansa həyatınızda mühüm rol oynamış insanla görüş istisna deyil.

Buğa - bu gün başlayacağınız işləri uğurla və sürətlə başa vurmaq imkanları var. Yaxşıca fikirləşin, baş verənləri təhlil edin. Həllini çoxdan bəri aradığınız problemin çözülməsində irəliləmək, çoxlarının düşündüyü məsələnin həllinə nail olmaq imkanları var.

Sizin üçün çox mühüm və önəmli olan insanla münaqişənin, ya da mübahisənin çözülərək yoluna qoyulması şansı yaranıb.
İşdə vaxt uğurla keçir və rəhbərlik sizin necə çalışıdığınızı görür.

Təhsil alırsınızsa, səylərinizin dəyərləndirlməməsi mümkün deyil.
Günün ikinci hissəsində uğurlu hadisələr yaşana bilər.

Evdə istənilən dəyişikliklər faydalıdırr. Əgər təmirə başlamaq və ya mebelin yerini dəyişmək niyyətiniz yoxdursa, istənilən xırda işlə məşğul ola bilərsiniz.

Əkizlər - günün ilk yarısı gərgin olacaq, saatlar mənfi təmayüllərin təsiri altında keçəcək. Mümkün qədər sayıq və ehtiyatlı olun, kənar təsirlərə uymayın, kimlərinsə sizi aldatmasına yol verməyin. Bədxahlarınız yolunuzunun dalana düşməsinə çalışacaqlar.

Aktiv olun, yaşananları anlamağa çalışın. Sadəlövh və passiv olmayın.
Alış-veriş üçün uğurlu gündür. Gəlirlərinizin artımı istisna deyil.
Nə isə almazdan əvvəl yaxşı düşünün.

Günün ikinci yarısında situasiya birmənalı olmasa da, məntiqli və soyuqqanlı olaraq münaqişənin yaranmasının qarşısını alın. Küsülüləri barışdırmaq mümkün olmasa da, qarşıdurmanın güclənməsinə imkan verməyin.

Axşam saatlarını özünüzə və ailənizə həsr edin. İş gözləyər.

Xərçəng - illüziyyalarla vaxtında vidalaşsanız, xəyallar aləminə qapılmasanız, gözlənti və ümidlərinizi real çərçivədə saxlayaraq imkanlarınızı təqribi də olsa, dəyərləndirə bilsəniz - gün uğurlu keçəcək.

Çoxdan bəri təxirə saldığınız və həlli ilə bağlı günü günə satdığınız işi bu gün başa vura bilərsiniz. Həmin işi bitirəcəyinizə şübhələnməyin.
Son vaxtlar sizə sevincdən daha çox ağrı verən münasibətlərdəki məqamları yerbəyer etmək üçün əlverişli gündür.

Anlamaq gərəkdir ki, bir çox problemlər və çətinliklərin səbəbkarı özünüzsünüz.

Şir - bu gün addım və qərarlarınızı, istək və planlarınızı dəqiq dəyrələndirin. Hər şeydə və hər yerdə özünüzü haqlı saymayın. Konstruktiv tənqidi belə, qəbul etməyərək qıcıqlansanız, çox ciddi səhvlərə yol verə bilərsiniz.

Ailə üzvləri və yaxınlarınızla mübahisələr etməyin. Vədlərinizi unudaraq eqoistcəsinə davranmayın.
İfrat diqqət, ciddi iş, izafi səliqə, detallara və təfərrüatların tam yerinə yetirilməsini tələb edən işlə məşğul olmaq bu günlük deyil. Eksperimentləri, xüsusilə də riskli işləri təxirə salın.

Gündəlik qayğıların çözülməsinə çalışın, alışdığınız işlə məşğul olun. Başqalarının təcrübəsindən yararlanın.

Qız - bu gün işləriniz yolunda olacaq, uğurlara nail olacaqsınız. Amma bəzi anlar var ki, yolunuzda çətinliklər yaradacaq. Məsələn, kimin sizə əsl dost, kimin də özünü dost kimi qələmə verən adam olduğunu müəyyənləşdirməkdə çətinlik çəkə bilərsiniz.

Bədxahlarınıza güclü, səbəbini aydınlaşdıra bilmədiyiniz rəğbət hissi bəsləməyin. Layiq olmayan adamın rəğbətinə və diqqətinə nail olmaq üçün qüvvə sərf etməyin.

Ailə üzvləri və yaxınlarınızla problemlər yarana bilər. Çünki sizə elə gəlir ki, onlar sizə təzyiq etməyə çalışır, fikriniz və mövqeyinizlə hesablaşmırlar. Belə deyil, özünüzü aldatmayın, yanlış yola düşməyin.

Alış-verişdə bədxərclik etməyin.

Tərəzi - bu gün ünsiyyət və söhbətlərdə, təmas və danışıqlarda ehtiyatlı olun. Çünki qəflətən elə bir söz deyə bilərsiniz ki, yaxın ətrafınızdakı insanlar həmin kəlməni sayğısızlıq, hörmətsizlik və saymazlıq təki dəyərləndirə bilərlər.

Nüfuzunuza zərbə vurmayın.
Yarana biləcək çətin situasiyanın öhdəsindən təkbaşına gəlməyə çalışmayın. Maneəni kimsənin yardımı və dəstəyi olmadan dəf etmək yaxşıdır, amma çox çətindir. Etibar etdiyiniz dostun yardımından yararlanın.

Axşam saatlarını yaxşı tanıdığınız, zəif və güclü yönlərinə bələd olduğunuz insanlarla keçirin.
Düşünülməmiş addımlar atmayın, tələsik qərarlar verməyin.

Əqrəb - bu gün yaxın ətrafınızın köməyindən faydalanmaq ehtyiacı yaransa belə, təkbaşına fəaliyyət göstərməyə çalışacaqsınız. Belə etməyin, səhv buraxmayın. Mənasız işlərə və məntiqsiz yönlərə izafi qüvvə sərf etməyin.

Bəzi məqsədlərə çatmaq üçün işlər və planlar təxirə düşə bilər
Hüquqi məsələlərin həlli, sənədləşdirmənin qaydaya salınması üçün uğurlu gündür. Dövlət strukturlarına baş çəkməyiniz, məmurlarla danışıqlarınız istədiyiniz nəticəni verəcək.

Gün maliyyə baxımından yararlıdır. Qəbul etdiyiniz qərarların yanlış olmamasına çalışın.
Özünüz və yaxın adamlarınız arasında gözəgörünməz divar ucaltmayın.

Oxatan - bu gün mahiyyət etibarilə neytral olsa da, onu məhsuldar etmək sizdən asılıdır. Gələcəklə bağlı planları dostlarınız və ailə üzvlərinizlə müzakirə edin. Faydalı məsləhətlər, yararlı sözlər eşidə bilərsiniz. Planınızı reallaşdırmaq üçün yardım da ala bilərsiniz.

İşgüzar səfər və ya ezamiyyət uğurla başa çatacaq. Uzaqdan gəlmiş adamlarla danışıqlar apara bilərsiniz.

Hansısa məqsədə çatmaq üçün maksimum dərəcədə çalışsanız, istəyinizə çatacaqsınız. İlk uğursuzluqdan sonra ruhdan düşməyin, alternativ yollar arayın. Ulduzlar qətiyyətli və inadkar adamları himayə edir.

Oğlaq - gün pis olmasa da, özünüzdən razı deyilsiniz. Düşünürsünüz ki, daha yaxşı çalışsanız, daha çox nəticələrə nail olar, daha irəli gedə bilərsiniz. Doğru fikirlərdir və bunun üçün də yolunuzdan əsla dönməyin.

Özünüzü çox pisləməyin. Ciddi səhvlərə yol verməyibsiniz, situasiyanın tələb etdiyi təki davranıbsınız.
Yaxınlarınız və ya ailə üzvləriniz, iş yoldaşlarınız ilə kiçik anlaşılmazlıqlar istisna edilmir. Mübahisə olmayacaq.

Günün ikinci yarısında pulla ehtiyatlı davranın, bədxərclik etməyin. Maliyyə itkilərinə məruz qala bilərsiniz.

Yaxşı tanımadığınız insanlarla mübahisələr mümkündür. Mənfi emosiyalardan qurtulmaq üçün başqalarından istifadə etməyin.

Dolça - bu gün maliyyə itkiləri və çətinliklər istisna deyil.
İşdə problemlər yarana bilər. Çoxdan bəri əməkdaşlıq etdiyiniz insanla münasibətlər elə pisləşə bilər ki, bundan sonrakı tərəfdaşlıq sadəcə, mümkün olmayacaq.

Bu gün istirahət etməyi arzulasanız da, çalışın. Zəhmət və əmək pis fikirləri unutdura bilər.
Kölgədə qalmağa çalışın.

Əmlak və ya hüquqi problemləri müzakirə etmək, onları çözməyə çalışmaq məsləhət deyil. Tanışlar və dostlarla ünsiyyətdə xoş, neytral mövzulardan danışın.

Balıqlar - bu gün bütün diqqətinizi əsas məsələnin həllinə yönəldin. İkinci dərəcələli problemlərin həllinə çox vaxt ayırsanız günü itirilmiş saymaq olar. Halbuki qarşınızda çox maraqlı perspektivlər açılıb. Cəsarətli və qətiyyətli olun, yaranmış şansdan bəhrələnin.

Son vaxtlar münasibətlərinizin rəvan olmadığı insanlarla təmaslarınız tam pozula bilər.
Gün istənilən formada kommersiya fəaliyyəti üçün çox sərfəlidir. İmkanları əldən verməyin.

Axşam saatlarına yaxın insanlar barədə tələsik qərar verməyin. İlkin təəssürat yanlış ola bilər.

Milli.Az