Builki qalib Çexiya təmsilçisi Tereza Fayksova olub.Filippində nüfuzlu “Planet gözəli-2012” gözəllik müsabiqəsi başa çatıb. Builki qalib Çexiya təmsilçisi Tereza Fayksova olub. Ona tacı “Planet gözəli-2011”in qalibi, Ekvador təmsilçisi Olqa Alava təqdim edib.
İkinci yeri filippinli Stefani Stefanoviç, üçüncü yeri isə Venesuela təmsilçisi Osmariel Vilyalobos tutub. Braziliyalı Kamila Brant dördüncü yerlə kifayətlənib.
“Planet gözəli” müsabiqəsi 2001-ci ildən keçirilir. O, diqqəti ətraf mühit və ekologiyaya yönəltmək üçün təsis edilib. Qalib il ərzində müxtəlif layihələrdə iştirak edir. Belə tədbirlər BMT, “Qrinpis” təşkilatı və Ümumdünya Vəhşi Təbiət Fondu tərəfindən təşkil olunur.
Milli.Az