Azərbaycanın birinci xanımı, Heydər Əliyev Fondunun prezidenti Mehriban Əliyeva ölkəmizdə səfərdə olan Türkiyənin tanınmış aktrisası Türkan Şorayla görüşüb.
Əvvəlcə Türkan Şoray Heydər Əliyev Fondunun fəaliyyəti ilə bağlı filmə baxdı. Film Fondun təhsil, səhiyyə sahələrində həyata keçirdiyi, mədəniyyətimizin inkişafına, milli mədəni irsimizin qorunmasına yönələn layihələrindən bəhs edir.
Sonra Mehriban Əliyeva Türkan Şorayla görüşdü.
Azərbaycanın birinci xanımı məşhur sənətçini Heydər Əliyev Fondunda görməkdən şad olduğunu bildirdi, Azərbaycanda Türkan Şoraya böyük sevgi və hörmətlə yanaşıldığını söylədi və onu “canlı əfsanə” adlandırdı. Mehriban Əliyeva sənəti ilə dünyada məşhur olan Türkan Şorayla tanışlıqdan məmnunluğunu bildirdi.
“Azərbaycana gəlməyi çoxdan arzulayırdım”, - deyən Türkan Şoray isə bu arzusunun reallaşmasından özünü xoşbəxt hiss etdiyini söylədi. Azərbaycana uzun illər əvvəl gəldiyini xatırladan tanınmış aktrisa kino sənəti ilə bağlı yeni nəşr edilən kitabını Mehriban Əliyevaya təqdim etdi.
http://mehriban-aliyeva.org