Metronun "Memar Əcəmi" stansiyasının yaxınlığındakı parkda əsaslı təmir işləri həyata keçirilir.
Bu barədə Day.Az saytına Nəsimi Rayon İcra Hakimiyyətindən bildiriblər.
Parkda iki ədəd fəvvarə, saat quraşdırılacaq, köhnə oturacaqlar yeniləri ilə əvəzlənəcək, dekorativ güllər və ağaclar əkiləcək. Yaxınlıqdakı binaların sakinlərinin rahat istirahəti üçün hər cür şərait yaradılacaq.
Əsaslı təmir işləri 2013-cü ilin birinci yarısında başa çatacaq.
Milli.Az