ABŞ-ın “Apple” şirkəti Çində ucuz “iPhone X” smartfonu tərtib edib.
Gazetadaily.ru saytına istinadən verilən məlumata görə, şirkət 1000 dollara bu cihazı almağa imkanı olmayanlar üçün “iPhone X” smartfonunun iki qənaətcil variantını yaradıb.
Bu tərtibatlar xüsusi olaraq Çindən olan alıcılar üçün edilib. “Lisbon” və “Hangzhou” adlanan yeniliklərin təqdimatı yaz aylarında baş tutacaq.
Şirkətdə hesablayıblar ki, rəsmi olaraq bu həftənin cümə günündə satışları başlayacaq yeni smartfonların satışındakı yüksək qiymətlər Çindən olan bir çox alıcıları qorxuda bilər. Məhz bunun üçün də Çin üçün o qədər də baha olmayan iki variant yaradacaqlar. “Apple”in nəyin sayəsində cihazların qiymətini aşağı saldığı məlum deyil.
lent.az